Тыа хаһаайыстыбатын академията устудьуоннары быраактыкаҕа күүскэ сыһыаран үөрэтэр (ВИДЕО)

Комментарии Образование и здравоохранение

Поделиться:

NVK-ONLINE.RU – Лекцияҕа тугу истибиттэрин, билбиттэрин устудьуоннар илиилэринэн тутан-хабан, лаппыйан чиҥэтэллэр. Бүгүн кинилэр туораахтаах култуураны суортарынан наардаан, хаачыстыбатын бэрэбиэркэлииллэр.
Тыа хаһаайыстыбатын академиятыгар быраактыка – үөрэх хаамыытын быстыбат сорҕото. Ол ордук туһалаах, интэриэһинэй дэһэллэр эдэр дьон.

Оттон бу кэмҥэ теплицаҕа сааскы түбүк үгэнэ. Сорох устудьуоннар хара буору кыра пластмасс иһиттэргэ куталлар, атыттар сибэкки араскытын хордуон дьааһыктартан ол онно көһөрөн иһэллэр.

Быйыл саас нэдиэлэ курдук эрдэлээн, күн-дьыл былдьаһык. Устудьуоннар 10 тыһыынчаттан тахса араскыны тартарыахтаахтар. Аҥаарын академия тула төгүрүччү олордуохтаахтар эбит, биир оччо дьэрэкээн сибэккинэн Дьокуускай болуоссаттарын чэлгитиэхтээхтэр. Өссө 3 теплицаҕа оҕуруот аһын арааһын үүннэриэхтэрэ.

Төһөнөн үрдүкү кууруска тахсаллар да, устудьуоннар быраактыкалара эбиллэн иһэр. Үөрэх кэмигэр нэдиэлэҕэ 4 чаас көрүллэр, ол быыһыгар тыа хаһаайыстыбатын тэрилтэлэригэр сылдьаллар.

Быйыл академияны 20 агроном бүтэриэ.

Сардаана Яковлева: “Дойдубар, Кэбээйигэ, буолбакка, Чурапчыга барыам этэ”, – диир. Кини дуогабар быһыытынан, Дириҥ агрохайысхалаах оскуолатыгар ананыаҕа.

Аны балтараа ыйынан 4 куурус устудьуоннара идэлээх үлэһит буолан, үлэлии тарҕаһыахтара, уоннааҕылар сайыҥҥы быраактыкаларыгар бааһынаҕа, хонууга тахсыахтара.



Поделиться:




Добавить комментарий

Ваш e-mail не будет опубликован. Обязательные поля помечены *

один × 1 =

ЛЕНТА НОВОСТЕЙ