Тыа хаһаайыстыбатын миниистирэ Петр Алексеев Тааттаҕа үлэлээтэ (ВИДЕО)

Комментарии Экономика и сельское хозяйство

Просмотров: 43

NVK-ONLINE.RU – Тыа хаһаайыстыбатын миниистирэ, Бырабыытылыстыба бэрэссэдээтэлин бастакы солбуйааччыта Петр Алексеев 3 күн устата Тааттаҕа үлэлээтэ.
Быйыл алаастар курааннаан туралларынан тыа хаһаайыстыбатын миниистирэ Петр Алексеев Амма өрүс тардыытыгар – Даайа Амматын, Чычымах, Харбалаах Чымынаайы ходуһаларыгар, бааһыналарыгар сырытта, үүнүүнү билистэ, итиэннэ тутулла турар объектарга, үүтү астыыр собуоттарга үлэ хаамыытын көрдө.


Улуус киинигэр нэһилиэк баһылыктарын, тыа хаһаайыстыбатын специэлиистэрин, тэриллиилээх хааһайыстыба салайааччыларын кытта көрсүһүүтэ буолла. Манна от тиэйиитигэр көмөнү, «Туймаада Лизиҥҥэ» отунан төлөһөн техника атыылаһар механизмын тобуларга, оҕуруот аһын хаһааныы, үүт соҕотуопкатын, мелиорация курдук боппуруостары быһаарыстылар.
Былырыын Таатта улууһа 35 200 тонна окко былааннаах эбит буоллаҕына быйыл 36 531 тонна от былаанын толоруохтаах.



Добавить комментарий

Ваш e-mail не будет опубликован. Обязательные поля помечены *

восемнадцать + 3 =