Тыал күүһүнэн үлэлиир паарканы Тиксии бөһүөлэгэр арыйдылар

Комментарии Главные новости, Общество и политика

Поделиться:

НВК САХА – Япония тыал кууьунэн үлэлиир 900 киловатт кыамталаах установкаларын бүгүн, сэтинньи 7 күнүгэр, Тиксии бөһүөлэгэр үлэлэттилэр.

Комплексы аһар тэрээһиҥҥэ Дьокуускайтан видеоконференция режиминэн республика баһылыга Айсен Николаев, “Русгидро” салайааччыта Николай Шульгинов, Япония бэрэстэбиитэллэрэ кыттыыны ыллылар.

Дьоппуон “Комаихалтек” хампаанньата айылҕа тыйыс усулуобуйатыгар сөптөөх гына оҥорбут тыал күүһүнэн үлэлиир установкатын үрдүгэ 41 аҥар метр, салбаҕын эргимтэтэ 33 метр.

Тустаах бырайыак олоххо киириитэ чөкө турар нэьилиэнньэлээх пууну уотунан хааччыйыы, уматыгы атыылаһыы, тиэрдии ороскуотун, тулалыыр эйгэҕэ буортуну аҕалыы кыьалҕатын быһаарыа.

Оттон Япония бу комплексы уонна дизельгенератордары босхо биэрдэ.

Ол курдук бу дойду өрүтэ оҥорор оборудованиетын тымныы уонна күүстээх тыаллаах усулуобуйаҕа тургутар сыаллаах үлэни ыытар.

Онон бу бырайыак Саха сиригэр эрэ буолбакка, Японияҕа эмиэ кэскиллээх, интэриэһинэй бырайыагынан буолар диэн ХИФУ инженернэй-техническэй институтун профессора Туйаара Гаврильева иьитиннэрдэ.

Салгыы экспертэр санааларын билиһиннэрдэххэ, маннык тыал күүһүнэн үлэлиир установка Тиксии олохтоохторо электроэнергия иһин төлүүр ороскуоттарын 20 бырыһыҥҥа тиийэ кэмчилиэ. Бу туһунан “Якутскэнерго” акционернай общество салайааччыта, Ил Түмэн депутата Александр Слоик бэлиэтиир.

Итини тэҥэ сабаҕалааһын быһыытынан сылга 500 тонна дизельнэй уматык кэмчилэниэ. Ити 70-ча мөлүйүөн солкуобай кэриҥэр тэҥнэһэр.

Оттон бастакы түһүмэххэ саҥа комплекс билигин бөһүөлэккэ баар дизельнэй электростанцияны кытта үлэлиэ.

Эһиил үс дизель-генераторы туруоруу, уот энергиятын мунньар тэрили таҥыы былааннанар. 2020 сылтан комплекс толору үлэлиэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × три =

ЛЕНТА НОВОСТЕЙ