«Тыымпынай» бизонарий кыстыкка бэлэмнэнэр

Комментарии Экономика и сельское хозяйство

Поделиться:

НВК САХА – Горнай оройуонугар баар Тыымпынай бизонарийыгар билиҥҥи туругунан 187 төбө баар.

2009 сыллаахха үлэтин саҕалаабыт бизонарийга билигин алта киһи үлэлиир. Түөрт көрөөччү, биир бэтэринээр уонна салайааччы. Биллэн турар, билигин кыстык оту бэлэмниир түбүккэ сылдьаллар. Кэлиҥҥи сылларга Солоҕон нэһилиэгин отчуттара тахсыылаахтык оттоон, бу боппуруоска сүрүн күүс буоллулар диэн Василий Степанович сэһэргиир.

“1 тонна ыйааһыннаах бизон күҥҥэ 25 киилэ хаппыт оту, 4 тонна уотурбаны сиир. Билигин 100 киилэ комбикорманы бэлэмнээн турабыт. 400 тонна оту бэлэмнээтэхпитинэ, кыстыгы туоруур кыахтаахпыт”, – диэн этэр “Тыымпынай” питомник салайааччыта Василий Андреев.

Бүтүн аан дойду үрдүнэн үс эрэ сиргэ баар кыыллар астарыгар-үөллэригэр бырыынчыктара суох, тымныыны тулуйумтуо буолан, сыллата 15-17 тарбыйаҕы биэрэ тураллар. Онон тыйыс айылҕалаах Саха сиригэр дэбигис үөскүүллэрин үлэһиттэр үгүс сыраларынан чахчы да дакаастаатылар.  –кс

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × два =

ЛЕНТА НОВОСТЕЙ