Уһулуччулаах этнограф, фольклорист Гавриил Ксенофонтов суолунан

Комментарии Спорт и культура

Поделиться:

НВК САХА – Уһулуччулаах этнограф, фольклорист Гавриил Ксенофонтов суолунан диэн ааттаах Хаҥалас оройуонун десана Горнайга үлэлээтэ.

Хаҥалас оройуонун кыраайы чинчийэр түмэл дириэктэрэ Лариса Константинова салайааччылаах түөрт киһилээх бөлөх Горнай оройуонуттан биир санаалаахтарын кытта атах тэпсэн олорон санаа атастастастылар. Экспедиция сүрүн сыала – Гавриил Ксенофонтов туһунан билиһиннэрии уонна кини туһунан матырыйаал хомуйуу буолар.

«Кыраайы үөрэтэр дьонтон Ксенофонтов кэлэн, 1925 сыллаахха саха төрдүн, култууратын, этнографиятын хомуйбутуттан туох хаалбытын туһунан үлэ ыыттыбыт», – диир Хаҥалас оройуонун кыраайы чинчийэр түмэл дириэктэрэ Лариса Константинова.

Горнай оройуона, чопчу Бор сирэ-уота Ксенофонтовтары кытта элбэҕи ситимниир. Ытык кырдьаҕас Клавдия Татаринова-Парфенова эһэтэ Евсей Парфенов фольклориһы кытта ол кэмнэргэ алтыспыт-сэһэргэспит киһи буолар.

«Эһэм Мытаах нэһилиэгэр олорон Ксенофонтовы көрбүт, кинилиин кэпсэппит, билсибит. Ксенофонтов туһунан кинигэҕэ кылгас ахтыы суруйбут», – диэн Бэрдьигэстээх олохтооҕо Клавдия Татаринова-Парфенова кэпсиир.

Бу маннык матырыйааллары хомуйан, сиһилии үөрэтэн, экспедиция кыттыылаахтара Гавриил Ксенофонтов аатынан түмэл экспоната элбиэ уонна хас биирдиитэ кэлин өссө сыаналаныа диэн эрэнэллэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

одиннадцать − пять =

ЛЕНТА НОВОСТЕЙ