Удачнайдааҕы хайаны байытар кэмбинээккэ дириэктэринэн Роман Денискин ананна

Комментарии Общество и политика

Поделиться:

НВК САХА – АЛРОСА хампаанньа тэрилтэлэрин сүрүннүүр Удачнайдааҕы хайаны байытар кэмбинээккэ салайааччыта уларыйда диэн хампаанньа пресс-сулууспата иһитиннэрдэ. Хайаны байытар тэрилтэ дириэктэринэн Роман Денискин ананна.

Эрдэ бу дуоһунаска олорбут Александр Махрачев генеральнай дириэктэр сүбэһитинэн ананна.

«Роман Денискин М.В. Ломоносов аатынан Москубатааҕы судаарыстыбаннай үнүбэрситиэт механико-математическай факультетын үөрэнэн бүтэрбитэ. 1995-2002 сылларга консультанынан үлэлээбит, «МакКинзи энд Компани» норуоттар икки ардыларынааҕы консалтинговай хампаанньаларын Москубатааҕы бэрэстэбиитэлистибэ бырайыактарын менеджеринэн үлэлээбит, «Бостон Консалтинг Групп Лтд» (Великобритания) Москубатааҕы бэрэстэбиитэлистибэтигэр эмиэ маннык дуоһунаска сылдьыбыт. «Северсталь-ресурс», «ERG», «Золоторудной компании Павлик» хампаанньаларыгар салайар бөлөххө сылдьыбыт. Денискин 2019 сыл тохсунньу ыйыттан генеральнай дириэктэр сүбэһитинэн анаммыт.

«ГОК саҥа салалтата хампаанньа үлэтин бары таһымҥа сөпкө тутуо диэн эрэнэбит. Удачнайдааҕы ГОК иннигэр сүрүн сорук турар – Үөһээ Муунатааҕы сир баайдаах сири сайыннарыы, оҥорон таһаарыыны элбэтии, үлэ усулуобуйатын үрдэтии, промышленнай куттал суох буолуутун тэрийии, саҥа технологиялары киллэрии», — диэн АЛРОСА генеральнай дириэктэрэ Сергей Иванов сырдатта.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × 5 =

ЛЕНТА НОВОСТЕЙ