Умай, Сунтаар сулуһа!

Комментарии От редакции

Просмотров: 103

Бу күннэргэ “Сунтаар Cулуһа” “Саха” национальнай көрдөрөр иһитиннэрэр хампаанньа Сунтаардааҕы филиала төрүттэммитэ 25 сылын бэлиэтээтэ. Тэрилтэ үйэ чиэппэрдээх үбүлүөйүн, буоларын курдук, айар үлэ үөһүгэр көрүстэ.

Бүгүҥҥү күҥҥэ коллектив алта үлэһиттээх. 2001 сылтан “Саха” НКИК Сунтаардааҕы филиалын студиятын солбуллубат салайааччытынан Ольга Захарова үлэлиир.

 

aaaa

Ольга Захарова-телестудия салайааччыта

nurgujaana1

Ньургуйаана Григорьева-режиссер

nina1

Нина Николаева-бухгалтер

radiomir-sergeev1

Радомир Сергеев-монтаж режиссера

vyacheslav-borisov1

Вячеслав Борисов-телеоператор

Ааһан эрэр сыл Сунтаар телевидениетин коллективыгар  бэрт ситиһиилээх буолла. Ол курдук, эрэдээктэр Мария Кобельянова, телеоператор Радомир Сергеев “Саҥа кэм киһитэ”, “Күннээх саха” бырайыактара СӨ Ил Дарханын 500 тыһыынча солкуобай суумалаах граныгар тигистилэр. Директор Ольга Захарова, режиссер Ньургуйаана Григорьева, телеоператор Вячеслав Борисов “Мин дьиэм” бырайыактара СӨ Гражданскай уопсастыба институттарын сайдыытыгар министиэристибэтин эмиэ 500 тыһыынча солкуобайдаах граныгар тигистэ.

suntaar-tv1

Бу соторутааҕыта Москва куоракка Арассыыйа үрдүнэн  иккис төгүлүн ыытыллар “Федерация” диэн федеральнай күрэххэ Саха Сириттэн аан бастаан “Благословенный ысыах Земли Олонхо-Сунтар” диэн устуулара нууччалыы тылбаастанан көрдөрүлүннэ.    

Телестудия салайааччыта Ольга Захарова:

“Биһиги билигин судаарыстыбаннай сакаас быһыытынан устуллубут матырыйаалларбытын “Саха” НКИКка ыытабыт. Ол эбэтэр хампаанньабыт ыытар судаарыстыбаннай сорудаҕын – ыйга 120 мүнүүтэ эфирнэй бириэмэни биэриэхтээхпит. Оттон улууска тахсарбытыгар  нэдиэлэҕэ биир күн 45 мүнүүтэни биэрэллэр, ол биһиги усулуобуйабытыгар табыгаһа суох.

Оттон инникини эттэххэ,  сотору кэминэн хампаанньаҕа продюсерскай телевидение диэн баар буолуохтаах. Ол эбэтэр, барыта үрдүк таһымнаах биэриилэри атыылаан, атыылаһан, үчүгэй ыытааччылары ыҥыран дуогабарынан үлэлэтии буолуохтаах. Оччотугар улуустарга аҕыйахтыы киһи үлэлиир да курдук буолан хаалыан сөп.

Түгэнинэн туһанан, араас кэмҥэ үлэлээн ааспыт уонна күн бүгүн улэлии сылдьар коллегаларбын бэлиэ күнүнэн махтанан туран эҕэрдэлиибин. Уһун сылларга биһиги үлэбитин сыаналыыр, көрөр-истэр көрөөччүлэрбитигэр, тэҥҥэ алтыһан үлэлиир улуус уонна тэрилтэ салайааччыларыгар үтүө сүбэҕит, көмөҕүт, эрэлгит иһин махтал мааны тылларын этэбин.”

olga

olga1

Редактор Мария Кобельянова Сунтаар телевидениетын биир тутаах үлэһитэ. Республикаҕа ыытар умсулҕаннаах  биэриилэрин элбэх киһи көрбүт буолуохтаах. Мария бастакы съемкатыгар ханна, хаһан сылдьыбытын бу курдук ахтар:

“Сунтаар телевидениетыгар 2010 сыллаахха үлэлии киирбитим. Ол сыл миэхэ олохпор сулус тыган бу үлэбинэн билигин да үөрэ-көтө үлүһүйэбин уонна таптыы-сэргии дьарыктанабын. Бастакы сюжетын ыт аҥардаах бөрө бултаабыттарын туһунан этэ. Өлбүт бөрөнү эргийэ сылдьан уһуллубут. Онтон устан бүтэн кэлбиппит кэннэ матырыйаалбыт олох аҕыах устуллубут буолла. Онон сарсыныгар хос болдьоһон бэртээхэй картинкалары устубуппут. Онтон ыла кэһэкэнэ буолан, саппаастаах устарбын сөбүлүүбүн.”

Араас сылларга Сунтаар телевидениетыгар үлэлээн үүнэн-сайдан, кынат үүннэринэн тахсыбыт үлэһиттэр элбэхтэр. Сунтаар тэлэбиидэнньэтэ өрөспүүбүлүкэҕэ каадыры бэлэмниир кыһа кэриэтэ диэтэххэ омуннааһын буолбат. Ол курдук тэлэбиидэнньэ дьыалатыгар Сунтаартан куорсун анньыммыт Наталья Михалева-Сайа, Саймон Сергеев, Юрий Филиппов, Наталья Колесова “Саха”  НКИКка үлэлии-хамныы, айа-тута сылдьаллар.

natalya-mihalevanatasha-kolesova yura-filippovnadya

 

 “Сунтаар сулуһа” диэн аат хантан кэлбитэй?

  • Саха сиригэр Сунтаарга дьоппуон маастардарын көмөтүнэн аан бастаан кырыыламмыт күн тааһа – бриллиант аата
  • Телевидение иһинэн тахсыбыт аан бастакы  хаһыат аата
  •  Сунтаар телестудията “Саха” көрдөрөр иһитиннэрэр хампаанньа Сунтаардааҕы филиалын аата

Сунтаардар маны тэҥэ бутун Арассыйатааҕы киинэ сылын чэрчитинэн “Сунтаар сулуһа” 1-кы улуустааҕы киинэ фестивалын тэрийбиттэр. Онон сыл устата киинэҕэ анаммыт анал тэрээһиннэр ыытыллыбыттар. Сунтаар телестудията 25 сылын бэлиэтиир дьоро киэһэҕэ киинэ фестивалын  түмүктүүр тэрээһин буолла. Манна анал номинациялар олохтонон хаһаайыттарын буллулар. Оттон Гран-при бириэмийэни Дьаархан нэһилиэгэ “Муҥ маһы кэрийбэт” диэн  киинэтинэн ылла.

daarhan

saja

Үбүлүөй дьоро тэрээһинигэр  Саха НКИК салалтата, урут-хойут үлэлээбит телестудия бэтэрээн үлэһиттэрэ, ыҥырыылаах ыалдьыттар,  общественность кыттыыны ыллылар. Үбүлүөй диэн бастатан туран, уруккуну-хойуккуну, историяны ахтан санаан ааһыы буолар. Бу күн элбэх баҕа санаа бастыҥа этилиннэ, наҕараадалар туттарылыннылар, улуус телестудиятыгар Саха НКИК аатыттан улуустары кытта үлэлиир дирекция начальнига Александр Лебедев кыахтаах телекамера бэлэх уунан үлэһиттэр үөрүүлэрэ хас эмэ бүк үрдээтэ.

tort

veterany

ÕkСÀÀÝ q Ú[o¸‡{馦¶¾âÌfl9¶F¿í¯»u51„0ADí8ÒSã€#Q­ë³¤AÐèÕû;7¶°ââøÛìÐϞ¤q¨` Ë¡¥Û†€ÇîÁÿªW*ŠŸ£kɘÓÔüÓ»þ©·4:ȬmÚçk»‘íOµxÁ3Òøe™ÌÔuÜ[JÌzØ[¹Æ,;Fà=¤ýý§swþc—O[‡üÓº£ÈnèþSNåÎÝ°ÓcƒH ±Äî.3»ùKwq íœ×À*œìjP¤„›<©±"{SÎËOç7ðJ؏

nina

sasha

liza

kolesova

kollektiv

“СУНТААР СУЛУҺА” улуус нэһилиэнньэтин олоҕун суһума буолан,  Сунтаары өссө да чаҕылхайдык  сырдата турдун!



Добавить комментарий

Ваш e-mail не будет опубликован. Обязательные поля помечены *