«Умнас» суол учаастагын атырдьах ыйын 13-14 күннэригэр сабыахтара

Комментарии Общество и политика

Поделиться:

НВК САХА – Атырдьах ыйын 13 күнүттэн 14 күнүгэр диэри “Умнас” суол  102+363 км учаастагын сабыахтара. Бу туһунан СӨ тырааныспар уонна суол хаһаайыстыбатын министиэристибэтин пресс-сулууспата иһитиннэрдэ.

“Куттала суох уонна хаачыстыбалаах суоллар” национальнай бырайыак иитинэн “Умнас” суол  102+363 км-гэр өрөмүөн ыытылла турарынан, атырдьах ыйын 13 күнүгэр киэһэ 22.00 чаастан сарсыарда 4.00 чааска диэри суол сабыллыаҕа”, – диэн иһитиннэриигэ этиллэр.

Министиэристибэ эппитинэн, бу учаастакка номнуо балаҕан ыйыгар өрөмүөн үлэтэ түмүктэниэ. Маны таһынан “Яна” суол учаастага (10,18 км уһуннаах 0 км – 10 км) уонна “Умнас” суол (10 км уһуннаах 92+900 –  102+900 км учаастагар) эмиэ оҥоһуллуохтара.

“Билигин түөрт эбийиэккэ үлэ түмүктэннэ. Олортон 1,4 км уһуннаах “Умнас” суол учаастагар, “Амма” 179 уонна 182 км-гэр хапытаалынай өрөмүөн түмүктэннэ. Ону таһынан “Нам” суол учаастагар массыына суолун сырдатар тэриллэр турдулар”, – диэн биэмистибэҕэ эттилэр.

Быйыл “Куттала суох уонна хаачыстыбалаах суоллар” национальнай бырайыак чэрчитинэн уопсайа 148,25 км уһуннаах 41 эбийиэккэ суол үлэтэ ыытыллар. Былааннаах үбүлээһин 4,14 миллиард солкуобайга тэҥнэһэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

9 − три =

ЛЕНТА НОВОСТЕЙ