Уу суола аһылыаҕыттан 194 тыһыынча тонна таһаҕас миэстэтигэр тиксэрилиннэ

Комментарии Главные новости, Экономика и сельское хозяйство

Поделиться:

НВК САХА – Саха сиригэр уу суола аһыллыаҕыттан 332,5 тыһыынча тонна олоххо-дьаһахха наадалаах таһаҕас тиэллиннэ, 194,2 тыһыынча тонна таһаҕас миэстэтигэр тиксэрилиннэ. 2018 сылга уу суолунан таһыллыахтаах 1 118,3 тыһыынча тонна таһаҕас былаана СӨ бырабыыталыстыбатын дьаһалынан бигэргэммитэ. Бу туһунан бырабыыталыстыба пресс-сулууспата иһитиннэрэр.

“Бэс ыйын 14 күнүнээҕи туругунан, Өлүөнэ өрүскэ Уус Куттан Остуолба күөлүгэр диэри, Бүлүү, Витим, Алдан өрүстэригэр, Халыма өрүскэ Сеймчаантан Черскэйгэ диэри, Дьааҥы өрүскэ Баатаҕай бөһүөлэгиттэн Аллараа Дьааҥы бөһүөлэгэр диэри уу суола аһаҕас”, – диэн иһитиннэриигэ чопчуланар.

Бүлүү өрүһүнэн олоххо-дьаһахха наадалаах таһаҕаһы таһыы салҕанар. Бэс ыйын 14 күнүгэр Кыһыл Сыыртан Сангаарга уонна Эдьигээҥҥэ гаас конденсаатын тиэнэн барбыт танкер сүөкэннэ. 12 тыһыынча 500 тонна былааннаммытыттан 12 635,5 тонна сүөкэннэ, бу 101,1 % тэҥнэһэр. Дьабарыкы Хайа уонна Зырянкатааҕы таас чоҕу хостуур сирдэртэн СӨ ОДьКХ хочуолунайдарыгар чоҕу тиэнии салҕанар. 95,2 тыһыынча тонна тиэйилиннэ, 50,2 тыһыынча тонна тиэрдилиннэ.

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × 5 =

ЛЕНТА НОВОСТЕЙ