Уус Алдаҥҥа дэлби тэптэрэр үлэни ыыттылар

Комментарии Общество и политика

Поделиться:

НВК САХА – Уус Алдан оройуонун Чэриктэй уонна Дыгдал нэһилиэктэригэр Алдан өрүскэ дэлби тэптэрэр үлэни ыыттылар. Бу туһунан нэһилиэнньэ олоҕор куттал суох буолуутун хааччыйар судаарыстыбаннай кэмитиэт бэрэссэдээтэлин солбуйааччы Дмитрий Лепчиков Алексей Колодезников салайан ыыппыт ыксаллаах быһыы-майгы хамыыһыйатын мунньаҕын кэмигэр иһитиннэрдэ.

«Дэлби тэптэрии түмүгэр муус хайдыыта барда. Кэлэр сууккаҕа долгун бардаҕына уонна уу таһыма үрдээтэҕинэ, муус хамсыаҕа дии саныыбын. Билигин балаһыанньаны кэтиибит», – диэн Дмитрий Лепчиков эттэ.

Чэриктэйгэ быыһааччылар уонна Саха сиринээҕи ис дьыала министиэристибэтин офицердара састааптаах суһал бөлөх тиийдэ. Таатта Чымнаайытыгар айылҕа харыстабылын миниистирэ Сахамин Афанасьев салайааччылаах бөлөх үлэлээтэ. Олохтоохторго көмө ыларга сүбэлэри иһитиннэрдилэр.

«Халаан уутуттан эмсэҕэлээбит Уус Маайа оройуонугар диэн уопсастыбаннас, оройуон түмсүүтэ 8-9 кэриҥэ тонна аһы-таҥаһы хомуйда. Ми- 8 бөртөлүөтүнэн сарсын таһаҕаһы тиксэрэргэ көнүл көрдүөм. Ону тэҥэ оройуоҥҥа икки дизельнэй генератордары тиксэриэхтэрэ» – диэн Лепчиков иһитиннэрдэ.

Ону тэҥэ Россия ыксаллаах быһыыга-майгыга министиэристибэтин департамена халаан уутуттан эмсэҕэлээбиттэр федеральнай көмөнү ылааччылар испииһэктэрин көрөргө бэлэм диэн Лепчиков тоһоҕолоон эттэ. –ай//фа

Источник: сайт телеканала «Якутия 24».

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 − 7 =

ЛЕНТА НОВОСТЕЙ