Уус Алдаҥҥа киһи өлүүлээх баһаар туһунан иһитиннэрии

Комментарии Криминал и происшествие

Поделиться:

НВК САХА – Уус Алдан Дүпсэтигэр олунньу 7 күнүгэр буолбут баһаарга икки киһи өлүгүн булбуттара.

Чааһынай дьиэҕэ 1964 сыллаах төрүөх эр киһи уонна 1937 сыллаах дьахтар өлбүт. Баһаар киэһэ 22 чаас саҕана буолбут диэн силиэстийэлиир кэмитиэт быһаарбыт.

“Олунньу 7 күнүгэр киэһэ дьиэҕэ кырдьаҕас дьахтар, кини уола, уолун доҕоро бааллар эбит. Эр дьон аһыы утах иһэ олорбуттар. Кэлин өлбүт дьахтар уола буруо сытыттан уһуктубут уонна умайа турар дьиэттэн тахсыбыт. Ийэтэ дьиэттэн сатаан тахсыбатах. Ыалдьыттара эмиэ дьиэҕэ хаалбыт, сатаан быыһаабатахтар”, – диэн силиэстийэлиир кэмитиэт иһитиннэриитигэр суруллар.

Баһаар төрүөтүнэн, барыллаан этэллэринэн, уоту сэрэҕэ суохтук туттуу. Ол эрээри экспертиза кэннэ баһаар чуолкай төрүөтүн быһаарыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять + три =

ЛЕНТА НОВОСТЕЙ