Уус Алдаҥҥа нэһилиэк сайдарыгар туруулаһар дьон бырайыагын анал хамыыһыйа тахсан көрдө-иһиттэ (ВИДЕО)

Комментарии Экономика и сельское хозяйство

Просмотров: 29

NVK-ONLINE.RU – Аан дойдутааҕы баан көмөтүнэн СӨ үпкэ Министиэристибэтэ нэһилиэнньэ туруорсар бырайыактарын өйүүр бырагырааманы олоххо кииллэрбитэ. Быйыл бу бырагыраама республика 5 улууһугар пилотнай бырайыак быһыытынан үлэлиир. Ол иһигэр Уус Алдан улууһа эмиэ киирсэр. Онон всемирнай баан бэрэстэбиитэллэрэ миэстэтигэр тахсан, туох үлэ ыытылларын билистилэр, сүбэ-ама буоллулар.

Уус Алдан улууһугар нэһилиэнньэ туруорсар бырайыагын өйөөһүн диэн бырагыраамаҕа 18 нэһилиэк киирбитэ. Олортон биирдэстэрэ Мүрү нэһилиэгин олохтоохторо дьаһалта ыыппытыйытыктарын, анкеталарын уруһуй куонкуруһун түмүгүнэн, бөһүөлэк иһинээҕи суол-иис тупсарыыта, автобус тохтобулларын тутуу, олорор дьиэлэри тупсарыы, сайыҥҥы сөтүөлүүр сир кытыытын уонна элбэх функциялаах сынньанар былаһаакка диэн санааҕа тохтообуттара. Маныаха сход тэриллэн, биллибит бырайыактартан биири талан, санааларын этэ саалаҕа толору муһуннулар.

Көрүллүөхтээх үп 1 мөл 350 тыһыынчаттан тахса буолара күүтүллэр. Онон бу суумаҕа аны күһүн Бороҕон бөһүөлэгин хаба ортотугар, саҥа дьэндэйбит этээстээх дьиэлэр аттыларыгар 16*28 иэннээх элбэх функциялаах площадканы тутарга былаанныыллар. Бырайыагын көрдөххө, оҕо оонньуур былаһааккалаах, дьон олорон сынньанар сквердээх, дьарыктанар тренажердардаах буолуохтаах.

Онтон атын нэһилиэктэргэ спортсаалата, култуура дьиэтин өрөмүөннэрэ, Ийэ скверин, ыһыах түһүлгэтин тутуу, сайыҥҥы уу ситимин тардыы о.д.а. бырайыактары билиһиннэрдилэр. Маныаха аан дойдутааҕы баан үлэһиттэрэ барытын истэн-көрөн баран, бырагыраама чэрчитинэн итэҕэстэрин ыйан-кэрдэн, сүбэ-ама буолан, ситиһиигэ сирдээн бардылар.



Добавить комментарий

Ваш e-mail не будет опубликован. Обязательные поля помечены *