Уус Алдаҥҥа үрүҥ аһы астааччылар өрөбүлэ суох үлэлиэхтэрэ (ВИДЕО)

Комментарии Экономика и сельское хозяйство

Просмотров: 15

NVK-ONLINE.RU – Уус Алдан улууһугар үүтү тутуу муус устар ыйтан саҕаланан, билигин “Мүрү-Ас” астыыр-үөллүүр кооператив сайыҥҥы тэтимнээх үлэҕэ киирдэ. Мантан сайын сыах маастардара үрүҥ аһы оҥорон таһаарарга өрөбүлэ суох үлэлиэхтэрэ.

Быйыл улуус үрдүнэн үүтү тутуу былаана 2078 тоннаҕа тэҥнэһэр. Онтон күн бүгүн “Мүрү-Ас” астыыр-үөлүүр кооператив 61 хаһаайыстыбаны кытта 2500 тонна үүтү тутарга дуогабар ууруста.

Хоро нэһилиэгэр үүт тутар пууҥҥа 10-тан тахса сыл үлэлээбит Варвара Петрова сэһэргиир: “Быйыл даҕаны үүт туттарааччы үгүс, сыллааҕы былааммыт 120 тонна, онтон күҥҥэ 400 киилэ үүтү тута олоробут”.

Бэйэбит бородууксуйабытын оҥорон таһаарарга бары ирдэбилгэ эппиэттиир, нэһилиэнньэни үрүҥ аһынан толору хааччыйар тэтимнээх үлэ мантан сайын таһаарыылаахтык ыытыллан, ылыллыбыт былааны ситиһэргэ туһуланыа.



Добавить комментарий

Ваш e-mail не будет опубликован. Обязательные поля помечены *

5 × один =