Уус Алдан Чэриктэйигэр ыксаллаах быһыы-майгы балаһыанньата биллэрилиннэ

Комментарии Криминал и происшествие

Поделиться:

НВК САХА – Уус Алдан оройуонун Чэриктэй сэлиэнньэтигэр уу муҥутуур таһымы (1660 см) куоһаран, 1777 см тэҥнэстэ. Нэһилиэнньэлээх пууҥҥа ыксаллаах быһыы-майгы балаһыанньата биллэрилиннэ. Бу туһунан оройуон баһылыга Алексей Федотов иһитиннэрдэ.

“Ыам ыйын 14 күнүгэр Чэриктэйгэ оробуочай бөлөх тиийэн миэстэтигэр үлэлиир. Чэриктэй орто оскуолатыгар дьиэтигэр 50 миэстэлээх быстах кэмҥэ олорор пуун аһылынна. Билиҥҥи туругунан, онно икки киһи олорор. Эвакопункт аһынан-үөлүнэн, уунан толору хааччыллан олорор”, – диэн Алексей Федотов эттэ.

Билигин тустаах нэһилиэнньэлээх пуунтан Дүпсэҕэ уонна Бороҕоҥҥо 100 киһини, ол иһигэр 78 оҕону көһөртөөтүлэр. Маны сэргэ сүөһүнү-сылгыны “Хакыры” диэн сиргэ үүрдүлэр.

Сэлиэнньэҕэ 12.00 чаас туругунан, аҕыс киһи, ол иһигэр икки оҕо олорор алта дьиэ ууга барда. 38 киһи, ол иһигэр 16 оҕо олорор 16 уһаайбатын уу ылла.

Маны таһынан балаһыанньаны хонтуруоллуур хапытаалынай тутуу уонна архитектура салалтатын салайааччы Михаил Бурцев салайааччылаах оройуоҥҥа биэдэмистибэлэр икки ардыларынааҕы оробуочай бөлөх тэриллэн үлэлиир. –яв//кс

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре + 14 =

ЛЕНТА НОВОСТЕЙ