Уус Алдан «Өркөн» эбии үөрэхтээһинин уһуйааччылара Тойон Мүрү алаас уобараһын айан таһаардылар (ВИДЕО)

Комментарии Общество и политика

Просмотров: 16

NVK-ONLINE.RU – Уус Алдан улууһун “Өркөн” эбии үөрэхтээһин киинин уһуйааччылара Россияҕа биллэриллибит Айылҕа харыстабылын уонна ураты харыстанар сирдэр сылларынан сибээстээн, Тойон Мүрү алааһы харыстыыр, дьоҥҥо-сэргэҕэ, оҕо аймахха билиһиннэрэр сыалтан анал дириҥ ис хоһоонноох бырайыак толкуйдаабыттар. Икки сыл иитиэхтэнэн сылдьыбыт бырайыактара бу сылтан саҕаланна.

Бу ытык-мааны кырдьаҕас уобараһынан суон сураҕырбыт, дьон-сэргэ бүттүүн сөҕөр-махтайар алааһын – Тойон Мүрү уобараһын олус кэрэтик хоһуйан “Өркөн” оҕо эбии үөрэхтээһинин киинин талба талааннаах уһуйааччылара ыйтан ордук кэм устата айан, тигэн таһаардылар. Кинилэртэн биирдэстэрэ мас, көмүс ууһа норуот маастара Прокопий Колодезников бу уобарас эскиһин сүрүн оҥорооччута.

Анал бырайыак дириҥ ис хоһоонноох. Бу бастакы сүрүн уобараска Тойон Мүрү алаас кэрэ айылҕата ойууламмыт. Ытык алаас икки өрүс икки ардыгар сытарын бэлиэтэ бэргэһэтигэр хоһуйуллубут. Тойон диэн тылы көрдөрөн мельхиорунан түөһүгэр күн сандаарар. Илиитин аннынан 80-ча арыылара кэчигирэспиттэр. Онтон ытык сирдэрэ сиэлинэн оҥоһуллубуттар. Аллараа өттүгэр өҥ буора-сирэ, киэҥ эбэтэ, хатыламмат халдьаайыта, хатыҥнаах чараҥа, алааһы тулалыыр тиит мастара көстөллөр. Онтон кырдьаҕас тайаҕа – Мүрү эбэ суугунуур көмүс хомуһа.

Мантан салгыы толкуйдаммыт бырайыак ситэриллэр, чочуйуллар итиэннэ оҕо-аймах билиитэ хаҥыырыгар туһуланан, куруһуок быһыытынан үлэлэтиллэр былааннаах.



Добавить комментарий

Ваш e-mail не будет опубликован. Обязательные поля помечены *