Уус Маайаҕа дьон дьиэтигэр төннөн эрэр уонна халаан содулун туоратыы үлэтэ саҕаланна

Комментарии Общество и политика

Поделиться:

НВК САХА – Уус Маайаҕа олохтоохтор дьиэлэригэр төннөн эрэллэр уонна халаан содулун туоратыы үлэтэ саҕаланна. Бүгүн, ыам ыйын 16 күнүгэр, уу оботторор тутуу уонна киин хочуолунай үлэҕэ киирдэ. Бу туһунан нэһилиэнньэ олоҕо-дьаһаҕа куттала суох буолуутун хааччыйар судаарыстыбаннай кэмитиэт салайааччыта Юрий Зайцев иһитиннэрдэ.

«Элдьикээҥҥэ уу таһыма икки күн иһигэр үс миэтэрэ кэриҥэ түстэ. Бүгүн бөһүөлэккэ бастакы рейсинэн 21 киһи дьиэтигэр төнүннэ, иккис рейсинэн – 40 киһи. Ону тэҥэ Ми-26 бөртөлүөтүнэн уматык уонна санитарнай көмө кэллэ. Нэһилиэнньэ иһэр уунан уонна бородууктанан хааччыллыылаах. Уу оботторор тутуу уонна киин хочуолунай үлэлээтэ. Сибээс боппуруоһугар ыарахаттар бааллар. Бөһүөлэккэ “Мегафон” эрэ сибээһэ баар. Хоромньуну ааҕар уонна халаан содулун туоратар үлэлэр саҕаланнылар», – диэн Юрий Зайцев эттэ.

Кини этэринэн, Элдьикээҥҥэ энергетиктэр быстах кэмҥэ уоту биэрэн саҕалаатылар.

«Уоту бастайааннай схемэнэн биэрии дьиэлэр инчэҕэйдэрин иһин билигин көҥүллэммэт. Дьон уот кылгас тиксиһиититтэн өлүөн сөп. Атын боппуруостарга балаһыанньа оннугар түстэ», – диэн кэмитиэт салайааччыта эттэ.

Ууга барбыт нэһилиэк дьаһалтата нэһилиэнньэҕэ иһитиннэрэр уонна урбаанньыттар дьоҥҥо аһылык түҥэтиитигэр кытталларын гына үлэни ыытар.

Оройуон дьуһуурунай диспетчерскэй сулууспата иһитиннэрбитинэн, Күп нэһилиэгэр 24, Эдьээҥҥэ 28 киһи дьиэтигэр төнүннэ. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

10 + семь =

ЛЕНТА НОВОСТЕЙ