Уус Маайа урукку баһылыга түөрт сыл алта ый көҥүлэ усулуобунайдык быһылынна

Комментарии Криминал и происшествие

Поделиться:

НВК САХА – Дьокуускай куораттааҕы суут Уус Маайа урукку баһылыгын Юрий Боярскайы урбаан үлэтигэр сокуону кэһиигэ, түөкүннээһиҥҥэ, икки сырыыга сулууспатынан туһаныыга буруйдааҕынан билиннэ уонна түөрт сыл алта ыйга усулуобунайдык көҥүлүн быһарга уураахтаата диэн суут пресс-сулууспатыттан иһитиннэрдилэр.

Силиэстийэ дааннайынан, Боярскай 2016 сыллаахха улуус баһылыгынан олорон, “Уус Маайа суоллара” ХЭТ кытары суол өрөмүөнүгэр диэн уопсайа 2,7 мөлүйүөн солкуобай суумаҕа  үс сымыйа муниципальнай хантараахтары түһэрсибит. Баһылык урбаанньыкка бу үлэлэри булгуччу толорор ирдэммэтин туһунан иһитиннэрбит. Салгыы Боярскай кэккэ сымыйа дөкүмүөннэргэ илии баттаабыт уонна урбаанньыкка төлүүргэ дьаһайбыт, урбаанньыт ол үбү салгыы баһылык интэриэстээх дьонугар аһардыбыт.

Суут Юрий Боярскайы түөр сыл алта ыйга усулуобунайдык көҥүлүн быһарга уураахтаата уонна судаарыстыбаннай сулууспаҕа итиэннэ муниципальнай уорганнарга үс сыл үлэлиир быраабын быһан туран, 50 тыһыынча солкуобайга ыстараап түһэрдэ. Бириигэбэр күүһүгэр киирдэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − 1 =

ЛЕНТА НОВОСТЕЙ