V «Дуоҕа Боотур оонньуулара» бөҕөстөрү күүтэр

Комментарии Спорт и культура

Поделиться:

НВК САХА – Бэс ыйын 20 – 21 күннэригэр Сомоҕолоһуу сылыгар анаммыт улуустар икки ардыларынааҕы V «Дуоҕа Боотур оонньуулара» Кэбээйи улууһун Мукучу нэһилиэгэр ыытыллыа. Бу туһунан Мукучу нэһилиэгин дьаһалтата иһитиннэрэр.

Кэбээйи, Бүлүү улуустарын бөҕөстөрө уонна Үөһээ Бүлүү Кырыкый нэһилиэгин хоһуун уолаттара өбүгэ оонньуутун аҕыс көрүҥэр күөн көрсүөхтэрэ. Күөн күрэс сүрүн соруга уол оҕо уйулҕатын тургутуу, эр киһи туругун бөҕөргөтүү буолар. Биир нэһилиэктэн 16 сааһыттан үөһээ 4 боотур уол кыттар. Икки эбэтэр үс кыра нэһилиэк (500 -тэн кыра ахсааннаах олохтоох) кыттыһан, түөрт боотуру туруоруон сөп.

Тэрийээччилэр Мукучу нэһилиэгин дьаһалтата уонна «Дуоҕа Боотур» көҥүл түмсүү. Сүрүн судьуйа, норуоттар икки ардыларынааҕы кылаастаах судьуйа Алексей Мостахов,
кэмэнтээтэр Александр Васильев – Көрдүгэн буолаллар.

Бастаабыт Боотурдар Бүлүү Кэбээйи нэһилиэктэрин баһылыктарын бириистэрин 160 000 (сүүс алта уон тыһыынча) солкуобайы ылаллар.

Кыайбыт нэһилиэк Реворий Чөмчөөйөп охсубут батыйатын кэнэҕэски ыччат кыайыы өрөгөйүн көрөрүгэр бэлэх ылар. Уопсай бириис пуондата 300 000 (үс сүүс тыһыынча) солкуобай.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать + двадцать =

ЛЕНТА НОВОСТЕЙ