ВИДЕО: Мэҥэ Хаҥалас улууһун Томтор нэһилиэгин олохтоохторо 100% киин ититэр ситимҥэ холбоннулар

Комментарии Общество и политика

Поделиться:

Мэҥэ Хаҥалас улууһун Томтор нэһилиэгэр өссө биир өрөгөйдөөх күн үүннэ. Ол курдук улууска аан маҥнайгынан Томтор нэһилиэгин олохтоохторун дьиэлэрэ 100 % киин ититэр ситимҥэ холбоннулар. Бу өр кэтэһиллибит ыра санаа туоларыгар  улуус депутата Ян Новиков тэрийэн үлэлэтэр «Армон» хааччахтаммыт эппиэтинэстээх тэрилтэтэ төһүү буолла.

«Армон» ХЭТ 2014 сыллаахха аан маҥнай экспериментальнай 1 модульнай котельнайы Бердск куораттан «Терморобот» ХЭТ аҕалан, Ломтука саҥа кулуубун онтон саҕалаабыта. Билиҥҥи кэмҥэ бу тэрилтэ үлэтэ – государственнай-чааһынай партнерство үлэҕэ киириитин түмүгэ буолар.

«Армон» ХЭТ Саха сиригэр аан бастакынан автоматизированнай котельнайдары үлэҕэ киллэрэн, нэһилиэнньэҕэ коммунальнай өҥөнү оҥорор.

«Армон» ХЭТ былырыын 4 котельнайы үлэҕэ киллэрбитэ: Үөһээ Бүлүүгэ, Уус Алдан Бороҕонугар, Нам Көбөкөнүгэр уонна Мэҥэ Хаҥалас Дойду нэһилиэгэр. Оттон быйылгы оттук сезонун Ломтука Гаврил Левин бөһүөлэгэр икки саҥа котельнайы үлэлэтэн саҕалаата. Автоматизированнай термороботтарга чох биирдэ кутуллан баран, 7 күҥҥэ диэри тиийэр кыахтаах. Курунньуга да олус аҕыйах тахсар.

Томтор бөһүөлэгэр саҥа котельнайга 56 дьиэ холбонно, 4700 м ититэр ситим тардылынна. Үлэҕэ да, үөрүүгэ да олохтоохтор куруутун бииргэ буолаллар.

5 оҕолоох Поповтар дьиэ кэргэн былырыын тыа хаһаайыстыбатын үлэһитин субсидиятынан туһанан, саҥа 2 мэндиэмэннээх дьиэ туттан киирбиттэрэ. Ыал аҕата сылы быһа оһох отторунан дьарыктанным диэн кэпсиир. Оттон бу котельнай үлэҕэ киирэн, оһох оттортон босхолонон, хаһаайыстыбатын кэҥэтинэр былааннаах.

Салгыы «Армон» котельнайдара Мэҥэ Хаҥаласка Хорообукка, Төхтүргэ уонна Үөһээ Бүлүүгэ үлэлэрин саҕалаан, тыа сирин олохтоохторо нус-хас олохтоох буолалларыгар төһүү буолуохтара.



Поделиться:




Добавить комментарий

Ваш e-mail не будет опубликован. Обязательные поля помечены *

5 × 5 =

ЛЕНТА НОВОСТЕЙ