Виктор Рассадин: «Кыайыыбын саха норуотугар аныыбын, өйөбүлгүт иһин махтанабын»

Комментарии Спорт и культура

Поделиться:

НВК САХА – Виктор Рассадин кыайыытын Саха сирин норуотугар анаата уонна ыалдьааччыларыгар махталын тиэртэ.

Саха бөҕөһө көҥүл тустууга аан дойду Кубогын финалыгар Иран спортсменын Хассанали Гиази Чеканы 10:2 ахсаанынан кыайда.

“Олус эппиэтинэстээх киирсии буолла. Арыый долгуйбутум. Кытаанах майгым көмөлөстө диэххэ сөп уонна, биллэн турар, сирим-дойдум күүс-уох биэрдэ”, – диэн Рассадин эттэ.

Рассадин ыалдьааччылар өйөбүллэрин этинэн-хаанынан билбитин эттэ.

“Бары наһаа сөхтүлэр. Көрөөччүлэр хамаанданы күүстээхтик өйөөтүлэр. Тус ааппыттан уонна бүтүн хамаанда аатыттан махтаныахпын баҕарабын”, – диэтэ Рассадин.

Ону таһынан спортсмен Ил Дархаҥҥа уонна тэрийээччилэргэ махтанна: “Айсен Николаевка уонна күрэхтэһии тэрийэр кэмитиэтигэр махтанабын. Аан дойду Кубога диэн өтөрүнэн буолбатах тэрээһин. Күрэхтэһиини бу курдук үрдүк таһымнаахтык ыытаары, туох баар сыраларын-сылбаларын уурдулар”.

Санатар буоллахха, өссө биир бөҕөс Арыйаан Тютрин Алирез Сарлагы 11:2 ахсаанынан хоппута.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

7 + 19 =

ЛЕНТА НОВОСТЕЙ