Виктор Рассадин: Мин киирсэр ыйааһыммар аан дойду бастыҥ бөҕөстөрө кытталлар

Комментарии От редакции

Поделиться:

НВК САХА – Арассыыйа сүүмэрдэммит хамаандата толору састаабынан көҥүл тустуу аан дойдутааҕы Кубогар кыттаары кэллэ. Спортсменнар бары бэлэмнэр.

Саха бөҕөһө Виктор Рассадин киирсэр 65 кг диэри ыйааһыҥҥа аан дойду күүстээхтэн күүстээх спортсменнара кытталлар диэн бэйэтэ бэлиэтээн эттэ. Ол эрээри Виктор кыайыыга бигэ эрэллээх.

“Кулун тутар 16 күнүгэр маҥнайгы киирсиигэ тустарым буолуо. Мин киирсэр ыйааһыммар аан дойду чөмпүйэнээтин призердэрэ уонна чөмпүйүөннэрэ кытталлар. Онон кыайарга эрэ дьулуһабын. Этим-хааным туруга кэминэн, Болгарияҕа ыытыллыбыт турнирга үчүгэйдик киирсибиппит. Кыраныысса таһыгар кыттардааҕар, бэйэм дойдубар арыый даҕаны чэпчэки буолуо дии саныыбын”, – диэн спортсмен эттэ.

Санатар буоллахха, кулун тутар 14 күнүгэр сарсыарда эрдэ Арассыыйа, АХШ уонна Грузия хамаандалара Дьокуускайга көтөн кэлбиттэрэ.

Көҥүл тустуу аан дойдутааҕы Кубога Дьокуускайга кулун тутар 16-17 күннэригэр ыытыллыаҕа. Күрэхтэһиини “Саха” НКИХ, “Якутия 24” уонна “Мамонт” ханааллар быһа көрдөрүөхтэрэ.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать + 7 =

ЛЕНТА НОВОСТЕЙ