Владимир Путин үбүлүөйүнэн Алла Пугачеваны эҕэрдэлээтэ

Комментарии Общество и политика

Поделиться:

НВК САХА – Арассыыйа бэрэсидьиэнэ Владимир Путин биллиилээх ырыаһыт Алла Пугачеваны үбүлүөйүнэн эҕэрдэлээтэ.  Бу туһунан Кириэмил пресс-сулууспата иһитиннэрэр.

Телеграммаҕа: “Эн муусука ускуустубата сайдарыгар тус сүҥкэн кылааккын ыйан туран, айылҕаттан айдарыылаах толорооччуларга улахан сыанаҕа суолу тэлбиккин эмиэ бэлиэтиибит. Кинилэргэ Эн талбыт дьыалаҕа ураты бэриниилээх буолуу холобурунан буолаҕын”, – диэн этиллэр.

Алла Пугачева 1949 сыллаахха муус устар 15 күнүгэр Москваҕа төрөөбүтэ.

1975 сыллаахха кини Болгарияҕа “Көмүс Орфей” норуоттар икки ардыларынааҕы XI куонкурус Гран-притигэр тиксэр чиэстэммитэ. Манна кини “Арлекино” ырыаны толорбута ситиһиини аҕалбыта. Ырыа муусукатын ааптарынан Болгария композитора Эмил Дмитров буолбута, аранжировкатын Павел Слободкин оҥорбута, нууччалыы тиэкиһин Борис Баркас суруйбута.

Бу куонкурус сэбиэскэй тэлэбиидьэнньэнэн көстүбүтүн кэннэ Пугачева киэҥ билиниини ылбыта. Ырыаһыт репертуарыгар барыта 500 чугаһыыр ырыа баар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × один =

ЛЕНТА НОВОСТЕЙ