Владимир Путин Новай Зеландияҕа теракт буолбутугар дириҥ кутурҕанын тиэртэ

Комментарии Общество и политика

Поделиться:

НВК САХА – Новай Зеландияҕа буолбут быһылааны Владимир Путин “сидьиҥ уонна саата суох быһыы” диэтэ. Бу туһунан Владимир Путин Новай Зеландия бэрэсидьиэнигэр  телеграмм ситиминэн ыытта.

Кремль пресс-сулууспатыгар иһитиннэрбиттэринэн, Арассыыйа дойду ыар аһыытын үллэстэр уонна бааһырбыт дьон түргэнник чөлүгэр түһэригэр эрэнэр.

“Таҥараҕа үҥэ кэлбит туох да буруйа суох дьоҥҥо саба түспүттэрэ дьиксиннэрэр. Бу ыар буруйдаахтар бары накаастаныахтара диэн эрэнэбин”, – диэн Путин эппитэ телеграмм ситимҥэ суруллар.

Бээтинсэҕэ Крайстчерч куорат икки мечетигэр саалаах дьон киирэн, мэлииппэ бүппүтүн кэннэ ааннары хатаан кэбиспиттэр. Быһылаан кэмигэр баар дьон эппиттэринэн, сүүһүнэн киһи мечеккэ баара. Теракт кэмигэр 40 киһи тыына быстыбыт, 20 тахса киһи бааһырбыт. Маныаха үс эр киһини уонна биир дьахтары туппуттар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − 16 =

ЛЕНТА НОВОСТЕЙ