Владимир Солодов: Нерюнгри улууһугар доруобуйа харыстабыла бу сылтан тупсуоҕа

Комментарии Образование и здравоохранение

Поделиться:

НВК САХА – Нерюнгри улууһугар СӨ бырабыыталыстыбатын үгэс буолбут нэһилиэнньэ иннигэр отчуота буолла. Үлэлиир бөлөҕү бырабыыталыстыба бэрэссэдээтэлэ Владимир Солодов салайда.

Улуус олохтоохторун кытта көрсүһүүгэ Владимир Солодов сүрүн кыһалҕаларга тохтоото.

Ол курдук бу сыл атырдьах ыйыгар Дьокуускайга диэри тимир суолунан айан саҕаланыа. Невер-Дьокуускай суол өрөмүөнэ түмүктэниэ. Куорат уулуссатын сырдатыы национальнай бырайыакка киирбэтэх буолан, Карл Маркс аатынан Нерюнгри биир киин уулуссатыгар хапытаалынай өрөмүөнү оҥорорго өйүүр туһунан быһаарыныы ыллылар. Суол пуондатыттан манна 90 мөл солкуобайы тыырыахтара.

Авиация сырыыта эмиэ Нерюнгри олохтоохторугар сытыытык турар. Владимир Солодов бу кыһалҕаны быһаарарга СӨ бырабыыталыстыбата болҕомтотун ууруоҕа диэн бэлиэтээтэ. Ол курдук өрөспүүбүлүкэ салалтата “Якутия” авиахампаанньаны кытта үлэтин тупсарыа уонна тарыып сыанатын быһаарыа.

Маны таһынан улуус биир сүрүн кыһалҕаларынан доруобуйа харыстабыла буолар. Оҕо поликлиникатын өрөмүөнүгэр федеральнай бүддьүөттэн тыырыллар үпкэ-харчыга өрөспүүбүлүкэ бүддьүөтүттэн харчы эбии көрөр туһунан быһаардылар. 2019 сылга өрөспүүбүлүкэ бырабыыталыстыбата бырайыак симиэтэтин оҥоруо. Оттон  2020 сылга өрөспүүбүлүкэ суотугар үлэ иккис түһүмэҕэ түмүктэниэ. Уопсайа барыллаан 300-330 мөл солкуобай буолуоҕа.

Маны таһынан улахан дьон поликлиникаларын быһаарыы эмиэ инники турар. Үлэ кээмэйэ бигэргэннэҕинэ, үп-харчы тыырыллыаҕа. Балыыһа комплексатын өрөмүөнүгэр барыллаан миллиард солкуобай тыырыллара былааннанар. Маныаха ону өрөспүүбүлүкэ инвестиция былааныгар киллэриэхтээхтэр.

“Улууска доруобуйа харыстабыла 2019 сылтан номнуо тупсан барыаҕа”, – диэн Владимир Солодов эттэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × 4 =

ЛЕНТА НОВОСТЕЙ