Владимир Солодов өрөспүүбүлүкэ түмэллэрин салайааччыларын кытта көрүстэ

Комментарии Общество и политика

Поделиться:

НВК САХА – Бырабыытылыстыба бэрэссэдээтэлэ Владимир Солодов өрөспүүбүлүкэ түмэллэрин салайааччыларын кытта көрүстэ. Бу туһунан Ил Дархан уонна бырабыытылыстыба пресс-сулууспата иһитиннэрэр.

Манна кэпсэтии материальнай-техническэй баазаны тупсарыы, судаарыстыбаннай түмэллэр пуондаларын байытыы, салгыы сайыннарыы, экспозицияларга сыыппараны, аныгы технологияны туһаныы тула барда.

Сүбэ-мунньах кэмигэр биэдэмистибэлэр салайааччылара түмэллэр бүгүҥҥү туруктарын, дьон төһө сылдьарын, сүрүн кыһалҕаларын билиһиннэрдилэр. Ол иһигэр Национальнай уус-уран түмэл дириэктэрэ Ася Габышева: “Биһиги түмэлбит кэнники хас да сылга саҥа экспонааттарынан байытылла илик. Дьону угуйар инниттэн, ускуустуба кэккэ бэлиэ эбийиэктэрин ылар наада”, – диэн эттэ. Көрсүһүү кыттыылаахтара, маны таһынан, дьон аҕыйахта сылдьар кыһалҕатын уонна бу эйгэҕэ каадыр тиийбэтин бэлиэтээтилэр.

Түмүккэ бырабыытылыстыба салалтата  Саха сирин уонна Арассыыйа култууратын биллэр деятеллэрин кытыннаран, кэлим экспертнэй сэбиэти тэрийэр туһунан быһаарыыны ылынна.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

6 + восемь =

ЛЕНТА НОВОСТЕЙ