Владивостокка ыһыах ыһыахтара

Комментарии Спорт и культура

Поделиться:

НВК САХА – “PITE” Тихоокеанскай норуоттар икки ардыларынааҕы XXIII туристыыр быыстапка култуурунай бырагырааматын иитинэн, ыам ыйын 25 күнүгэр Владивосток Русскай арыытыгар саха норуотун национальнай бырааһынньыгын – Ыһыах ыһыахтара.

Тэрийээччи – Уһук Илиҥҥи федеральнай уокурукка СӨ бастайааннай бэрэстэбиитилистибэтэ быыстапка ыалдьыттарыгар уонна кыттыылаахтарыгар бырааһынньык киэҥ бырагырааматын бэлэмнээтэ. Бу туһунан СӨ баһылыгын уонна бырабыыталыстыбатын пресс-сулуупата иһитиннэрэр.

Ол курдук, Русскай арыыга Уһук Илиҥҥи федеральнай үнүбэрситиэт Набережнайыгар түһүлгэ тардыахтара. Манна саха куукунатын тэнитиэхтэрэ, успуорт национальнай көрүҥнэригэр күрэхтэһиэхтэрэ. Итини сэргэ ыалдьыттары национальнай үҥкүү, сиэр-туом толоруута, Саха сирин норуоттарын оонньуулара күүтэр.

Ыһыахха Уһук Илиҥҥи федеральнай уокурук субъектарын, омук дойдуларын консульстволарын уонна дипломатическэй миссияларын салайааччылара, Владивосток куорат култуура уонна үөрэх тэрилтэлэрин бэрэстэбиитэллэрэ, олохтоохторо, Саха сириттэн төрүттээх дьон күндү ыалдьыттарынан буолуохтара.

Бырааһынньыктааҕы тэрээһин иитинэн өрөспүүбүлүкэ инвестиционнай кыаҕын итиэннэ Саха сирин тэрилтэлэрин бизнес-көрсүһүүлэрин кэмигэр табаары уонна өҥөлөрү билиһиннэриэхтэрэ.

Владивостокка “PITE” Тихоокеанскай норуоттар икки ардыларынааҕы XXIII туристыыр быыстапка Тиихэй Акыйааннааҕы V туристыыр пуорум иитинэн үлэлиир.

Быыстапкаҕа Россия уонна тас дойдулар, ол ортотугар Кытай, Вьетнам, Корея Өрөспүүбүлүкэтэ, Камбоджа, КНДР, Монголия уонна да атын дойдуттан 100-тэн тахса хампаанньа туристическэй кыаҕы билиһиннэриэхтэрэ. Россияттан Сибиир уонна Уһук Илин 12 эрэгийиэнэ кыттар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шестнадцать + один =

ЛЕНТА НОВОСТЕЙ