Оҕолору быыһаабыт Володя Губин бюһун туруорарга үп-харчы хомуйаллар

Комментарии Общество и политика

Поделиться:

НВК САХА – Дьокуускайга Володя Губин бюһун туруорарга үбү хомуйар үтүө санааланыы аахсыйата саҕаланна.

Володя олоҕун толук ууран туран, түөрт оҕону быыһаабыта. 1964 сыллаахха алтынньы ыйга Өлүөнэтээҕи уу управлениетын эдэр исписэлииһэ Володя Губин киэһэ үлэтиттэн төннөн иһэн, күөлгэ муус тостон, оҕолор ууга түспүттэрин көрөн, быыһыы ыстаммыт. Кини көмөтүнэн түөрт оҕо үрүҥ тыына өллөйдөммүт. Ол эрээри быыһааччы бэйэтэ сатаан тахсыбатах.

Хорсун быһыы иһин Владимир Губин 1965 сыллаахха «Бочуот бэлиэтэ» уордьанынан (өлбүтүн кэннэ) наҕараадаламмыта. Кини аатын олорбут уулуссата итиэннэ Ленатааҕы пароходство теплохода сүгэр.

Кэлин бу эҥээр уокурук Губинскай диэн ааттаммыта. Чопчу бу уокурук олохтоохторо бырайыак көҕүлээччилэринэн буолаллар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать − 3 =

ЛЕНТА НОВОСТЕЙ