XX «Манчаары оонньууларын» уота Арыылаах алааска умайда (ВИДЕО)

Комментарии Главные новости, Спорт и культура

Просмотров: 43

NVK-ONLINE.RU – Уоту уматыы сиэрэ-туома Баһылай Манчаары оҕо эрдэҕинэ сөбүлээн оонньуур, таптыыр соҕотох үүнэ-сириэдийэ турар аарыма бэһин таһыгар ыытылынна. Баһылай Манчаары улааппыт балаҕаныгар тигинэччи оттуллубут көмүлүөгүттэн иччилээх тылынан алгыстанан “Манчаары оонньууларын” уота ылылынна.

Өрөспүүбүлүкэ күүстээх быһыйа Афанасий Ларионов салайааччылаах Мэҥэ Хаҥалас сүүрүүктэрин бөлөҕө уоту ылла уонна улуус  совхозтара тэриллибиттэрэ 50 сылыгар аналлаах үбүлүөйдээх ыһыаҕын түһүлгэтин дьонунан-сэргэтинэн уруйданна. Уот Дмитрий Горохов бас-көс быһыйдаах өрөспүүбүлүкэ сүүрэр бөлөҕөр туттарылынна. Быһыйдар тус арҕаа Үөһээ Бүлүү диэки түһүнэ турдулар.

Уоту илиигэ тутан, эт атаҕынан сүүрэн, Үөһээ Бүлүүгэ тиэрдии Сахабыт сиригэр спорду сайыннарар суолтата улахан.

“Манчаары оонньууларын” уота Үөһээ Бүлүүгэ этэҥҥэ тиийдин!



Добавить комментарий

Ваш e-mail не будет опубликован. Обязательные поля помечены *

7 + десять =