«Якутскэнерго» ойуурга хоромньу тахсыбытынан 11 мөл солкуобайтан тахсаны төлүөҕэ

Комментарии Общество и политика

Поделиться:

НВК САХА – Уот линиятыгар саахал тахсан, ойуур баһаарыттан хоромньу тахсыбытын иһин “Якутскэнерго” ПАУо 11 мөлүйүөн солкуобайтан тахсаны төлүөҕэ. Бу туһунан СӨ экология министиэристибэтин пресс-сулууспата иһитиннэрдэ.

СӨ экология министиэристибэтин ирдэбилинэн хампаанньаттан хоромньу харчытын тутар туһунан от ыйын 11 күнүгэр СӨ Арбитражнай суута быһаарда.

“Өлүөхүмэ улууһугар 2018 сыл от ыйын 3 күнүгэр “Якутскэнерго” ПАУо үлэлэтэр уот линиятын тирэхтэрэ сууллан, боруобаттар тиксиһиилэриттэн 180 гектарга ойуур баһаара буолбут”, – диэн биэдэмистибэҕэ этиллэр.

СӨ экология министиэристибэтэ суоттааһынынан, ойуур пуондатыгар 9,3 мөлүйүөн солкуобайтан тахса хоромньу тахсыбыт. Ойуур баһаарын умулларарга 600 тыһыынчаттан тахса солкуобай барбыт. Биэдэмистибэ ойууру сөргүтүү 1,2 мөлүйүөн солкуобайга тэҥнэһэр диэн сыаналаабыт. Оттон баһаар бөҕүн-сыыһын ыраастыырга 47 тыһыынча солкуобайтан тахса барбыт.

Суут быһаарыыта күүһүгэр киирэ илик.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × три =

ЛЕНТА НОВОСТЕЙ