Ыам ыйын 12 күнүгэр аан дойду үрдүнэн сиэстэрэ күнэ бэлиэтэнэр

Комментарии Образование и здравоохранение

Поделиться:

НВК САХА – Үрүҥ халааттаах аанньаллар – сиэстэрэлэр күннэрэ аан дойду үрдүнэн ыам ыйын 12 күнүгэр бэлиэтэнэр. Бу ыарахан үлэҕэ Уус Алдан оройуонун киин балыыһатын хирургия уонна суһал реанимация отделениеларын уопуттаах сиэстэрэлэрэ идэни баһылаабыт бастыҥ холобуру көрдөрөллөр.

Отделение сиэстэрэлэрэ ыарыһаҕы атаҕар туруорарга, ардыгар үтүө тыл, амарах сыһыан эмтээҕэр үчүгэй диэн билэллэр. Тустаах отделениеҕа 2006 сылтан суһал реанимация балаалата туспа аһыллан, уопсайа 28 медицина үлэһитэ баарыттан 13-һэ сиэстэрэ идэлээх.

“Эпэрээссийэҕэ киирэр хас биирдии киһи куттанар буоллаҕа. Ону сиэстэрэ уоскутар, быһааран биэрэр. Оччоҕо ыарыһах эрэнэр буолар”, – диир хирургия отделениетын сиэстэрэтэ Саргылана Прибылых.

Медицина ханнык да салаата сиэстэрэ үлэтиттэн быһаччы тутулуктаах. Хирургия отделениетыгар олохторун анаабыт Агафья Афанасьева, Зинаида Гуляева, Саргылана Прибылых курдук үлэһиттэр билиҥҥи көлүөнэҕэ идэни толору баһылыыр холобурун көрдөрөллөр.

Билиҥҥи кэмҥэ аныгы оборуудабанньанан хааччыллыбыт медицина кииннэрэ дьону үрдүк хаачыстыбалаахтык эмтиир кыахтаахтар. Ол эрээри урут да, билигин да медицина эйгэтигэр үлэлиир исписсэлиис үрдүк таһымнаах билиилээх буолара ирдэнэр. –яв//кс 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

13 + 19 =

ЛЕНТА НОВОСТЕЙ