Ыам ыйын 23 күнүгэр чэпчэки сыанаҕа дьиэ куортамныырга докумуоннары хомуйуохтара

Комментарии Общество и политика

Поделиться:

НВК САХА – СӨ тутуу министиэристибэтэ ыам ыйын 23 күнүгэр олорор дьиэни куортамныырга чэпчэтиинэн туһанар бырааптаах дьонтон дуогабар түһэрсэргэ докумуоннары хомуйуо. Бу туһунан министиэристибэ пресс-сулууспата иһитиннэрдэ.

“Бу бырагыраамаҕа инбэлииттэр, инбэлиит оҕолоох ыаллар, ыараханнык ыалдьар, Дьокуускайга өр кэмҥэ эмтэниэхтээх оҕолордоох дьон кытталлар”, – диэн биэдэмистибэ сайтыгар суруллар. Манна хапсар дьоҥҥо кэккэ ирдэбиллэр баалларын бу ссылканан көрүөхтэрин сөп.

Докумуоннары ыам ыйын 23 күнүгэр олохтоох бириэмэнэн сарсыарда 9 чаастан киэһэ 17.00 чааска диэри тутуохтара. Икки биир хостоох кыбартыыралары ыйга 14 тыһыынча солкуобайга уонна үс икки хостоох кыбартыыраны ыйга 16 тыһыынча солкуобайга куортамҥа биэрэр былааннаахтар. Кыбартыыралар Дьокуускай куорат Каландарашвили уулуссатын 25а дьиэтигэр бааллар.

Докумуоннары www.e-yakutia.ru судаарыстыбаннай уонна муниципальнай өҥө порталыгар хомуйуохтара.

Санатар буоллахха, бу бырагыраамаҕа кыттарга идентификация уонна аутентификация биир кэлим тиһигэр (ЕСИА) суруттарбыт буолуохтаахтар. Манна суруттарарга www.e-yakutia.ru эбэтэр www.gosuslugi.ru порталга киирэн регистрацияны ааһар тоҕоостоох.

Ыам ыйын 23 күнүгэр куортамҥа наадыйар дьон сайабылыанньа толорон, ирдэнэр докумуоннары порталга киллэрэллэр. Ирдэнэр докумуоннар бу манна этиллибиттэр.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

десять − восемь =

ЛЕНТА НОВОСТЕЙ