Ыччат тэрилтэлэрэ пионерия үтүө идеологиятын тарҕаталлар

Комментарии Образование и здравоохранение

Поделиться:

НВК САХА – Ыам ыйын 19 күнэ – дойду үрдүнэн Пионерия күнэ. Саха Өрөспүүбүлүкэтин Ил Дархан өйөбүлүнэн үлэлиир оҕо уопсастыбаннай хамсааһына, ыччат тэрилтэлэрэ пионерия үтүө идеологиятын күн бүгүҥҥэ диэри илдьэ сылдьаллар. Бу туһунан социальнай ситимҥэ уопсастыбынньыктар суруйаллар.

Дойду 70-тан тахса араас эрэгийиэннэригэр, тас дойдуга оҕо, ыччат тэрилтэлэрэ күн бүгүнүгэр диэри үлэлии олороллор.

Бүгүҥҥү туругунан, өрөспүүбүлүкэ үрдүнэн уопсайа быһа холоон 609 оҕо тэрилтэтэ 74 103 оҕону хабан үлэлии олорор. Дьокуускай куорат 31№-дээх, Жатай 2№-дээх оскуолаларыгар оҕо түмсүүлэрэ айымньылаахтык үлэлииллэр. Кэлин маныаха холоонноох оҕо тэрилтэтэ элбиэн сөп.

Кэнчээри ыччаты иитиигэ күннэтэ кыһаллар оҕо түмсүүтүн салайааччылара, тэрийээччи-педагогтар уруккуну умнубакка, пионерия үтүө үгэһигэр тирэҕирэн айымньылаахтык үлэлииллэр, оҕо хамсааһынын саҥа таһымҥа таһаарарга дьулуһаллар. Өрөспүүбүлүкэ таһымнаах араас күрэхтэри, конференциялары, экспедициялары, бэстибээллэри, слеттары уо.д.а. тэрийэллэр.

Ыам ыйын 19 күнэ – Пионерия күнэ – үтүө үгэс буолан элбэх көлүөнэ ыччаты сыллата ахсын түмэр. Билигин, урукку курдук, хас оскуола ахсын оҕо тэрилтэлэригэр үөрүүлээх линейкалар, коммунарскай сбордар, станциянан оонньуулар, тимуровскай үлэлэр, костердар, оҕо тэрилтэтин кэккэтигэр ылыы тэрээһиннэрэ ыытыллаллар. Бу – көлүөнэ икки ардыгар ситим уонна ытыктабыллаах сыһыан баарын туоһута!



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × три =

ЛЕНТА НОВОСТЕЙ