Ыччаты – тыа сиригэр. Мэҥэ Хаҥалас Маттатыгар бэйэ дьыалатын тэринэргэ анал тосхол үлэлиир (ВИДЕО)

Комментарии Экономика и сельское хозяйство

Просмотров: 17

NVK-ONLINE.RU – Мэҥэ Хаҥалас Мөҥүрүөн нэһилиэгин олохтоохторо урбаан хайысхатынан үлэлээн, бастакы ситиһиилэрин көрдөрөллөр. Ол курдук нэһилиэк баһылыга Иннокентий Андросов ыччаты үлэнэн хааччыйар сыалтан, бэйэ дьыалыны арыныан баҕалаахтары өйөөн, тус сыаллаах бырагыраама арыйан үлэлэтэр.

Матта олохтооҕо Татьяна Протодьяконова элбэх оҕолооҕунан социальнай контрагынан бырайыак көмүскээн 187 тыһыынча солкуобайы ылан, оһох, тестомес атыылаһан бэкээринэ астан, күннэтэ олохтоохтору итии, сибиэһэй килиэбинэн хааччыйар. Олохтоох дьаһалта урукку дестад кухнятын дьиэтин биэрэн, киинтэн ититии холбоон, сөргүтэн үлэлиир.

Оттон Матта тутаах ыччата Аркадий Сивцев баһаарынай чааска үлэлиирин таһынан, былырыыҥҥыттан урбаанньыт буолан, тимир ууһун мастарыскыайын арынан үлэлэтэр. Маҥнай саҕалыырыгар нэһилиэк баһылыга 200 тыһыынча солкуобайы көрөн, бастакы станогун атыылаһан, урукку уус дьиэтигэр мастырыскыайын оҥостубут. Онтон былырыын «Бастыҥ эдэр ыччат бырайыга» диэҥҥэ кыайан, 1 мөлүйүөннээх граны ылан, ситиһиитэ үгүс.

Билигин үгүс ыал киин ититиигэ холбонон, толору хааччыллыыны киллэринэр. Нэһилиэк дьаһалтата куһаҕан ууну оботторорго, фекальнай массыына ыларга анаан 300 тыһыынча солкуобайы көрөн, билигин Гаврил Гурьев урбаанньыт быһыытынан чааһынай тэрилтэ арынан үлэлиир. Маттаны уонна ыаллыы сытар Уус Алдан Бэйдиҥэ, Арыылаах бөһүөлэктэрин көрөр.

Нэһилиэк сайдыыта, кэлэр кэскилэ ыччаттан тутулуктаах диэн толкуйдуур эдэр эрчимнээх баһылык Иннокентий Андросов. Маттаҕа сотору кэминэн саҥа уопсай баанньык, шлакоблок собуота итиэннэ автомастерской үлэҕэ киириэхтэрэ. Саҥа саҕалааччыларга баһылык күүс-көмө буолан, нэһилиэк иһинэн тус сыаллаах бырагыраама арыйан үлэлэтэр.

Онон тыа сиригэр бэйэ дьыаланы арынар бары өттүнэн табыгастааҕын мөҥүрүөннэр таба тайанан үлэлииллэр.



Добавить комментарий

Ваш e-mail не будет опубликован. Обязательные поля помечены *