Ыйытык: Дойду олохтоохторо эр дьоҥҥо бэлэх атыылаһарга ортотунан 2,6 тыһыынча солк барыахтара

Комментарии От редакции

Поделиться:

НВК САХА – Олунньу 23 күнүгэр бэлэх биэрэргэ ортотунан 2,6 тыһыынча солкуобайы барыахтара. Бу туһунан SuperJob сервис чинчийии ыыппытын ТАСС суруйар.

“Олунньу 23 күнүгэр бэлэх атыылаһарга орто бүддьүөт 2,6 тыһыынча солкуобайга тэҥнэспит. 24 саастарыгар диэри ыччат бэлэх атыылаһарга 2,9 тыһыынчаны ыытыа, оттон 45-тэн аҕа саастаах дьон 2,6 тыһыынчаны туттуохтара”, – диэн чинчийиигэ этиллэр.

Ыйытык түмүгүнэн, дохуот төһөнөн элбэх да, оччонон бэлэххэ элбэх харчыны барыахтара. 25 тыһыынча солкуобайтан аҕыйах хамнастаах дьон 2 тыһыынчаҕа бэлэх атыылаһыахтара, оттон 45 тыһыынчаттан элбэх хамнастаахтар – 3,2 тыһыынчаны. Москва олохтоохторо саамай элбэҕи ороскуоттуохтара, ол курдук 3,4 тыһыынча солкуобайга бэлэх атыылаһыахтара. Эрэгийиэннэргэ бу сыалга 2,5 тыһыынча солкуобайы барыахтара.

Аҕа дойду көмүскээччитин күнүнэн 73% дьахтар уонна 44% эр киһи бэлэх уунуохтара. 33% дьахтар – эрдэрин, 21% – уол оҕолорун, 16% – аҕаларын, 11% тапталлаахтарын эҕэрдэлиэхтэрэ.

8% дьахтар бырааттарыгар, убайдарыгар, 7% – чугас дьонноругар, 3% эһэлэригэр бэлэхтэрин бэлэмнииллэр.

Эр дьон Аҕа дойду көмүскээччитин күнүнэн, бастатан туран, аҕаларын эҕэрдэлиэхтэрэ (15%). Эр дьонтон 8% уол оҕолоругар, убайдарыгар-бырааттарыгар – 5%, чугас дьонугар – 5%, эһэлэригэр 2% бэлэхтэрин бэлэмнииллэр.

Дьахталлар эр дьоннооҕор элбэхтэ бэлэх биэрэллэр, оттон эр дьон доҕотторун ордук эҕэрдэлииллэр эбит.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь + пятнадцать =

ЛЕНТА НОВОСТЕЙ