Юрий Трутнев: Саха сиригэр кардиология диспансера хайаан да наада

Комментарии Главные новости, Экономика и сельское хозяйство

Поделиться:

НВК САХА – Дьокуускайга 150 миэстэлээх өрөспүүбүлүкэтээҕи кардиология диспансерын 2019 сылтан тутан саҕалыахтара. Кулун тутар 14 күнүгэр Уһук Илиҥҥэ инвестиция бырайыактарын олоххо киллэрии туһунан мунньахха Саха сиригэр эбии 6 миллиард 598 мөлүйүөн 900 тыһыынча солкуобайы тыырар туһунан быһаардылар.

“Саха сиригэр кардиология диспансера тутуллуоҕа. Өрөспүүбүлүкэҕэ бу тутуу хайаан да наада. Арассыыйа доруобуйа харыстабылын министиэристибэтэ маны эмиэ өйүүр”, – диэн РФ бырабыыталыстыбатын бэрэссэдээтэлин солбуйааччы – Уһук Илиҥҥэ РФ бэрэсидьиэнин боломуочуйалаах бэрэстэбиитэлэ Юрий Трутнев диэн эттэ.

Бу иннинэ Саха сирин социальнай үс бырайыага “Биир кэлим субсидия” былааныгар киириэ диэн иһитиннэриллибитэ. 4 миллиард 597 мөлүйүөннээх кардиология диспансерын таһынан Кангаласс бөһүөлэгэр оскуола-уһуйаан, “Полярная звезда” оҕону чэбдигирдэр киин тутууларын ырытыахтаахтара. Ил Дархан 2019-2021 сылларга Саха сирин социальнай сайдыытын Былааныгар эбии тутуулары киллэрэр туһунан этии киллэрбитэ.

“Кардиология диспансерын туттахпытына, сүрэх-тымыр ыарыыларыттан дьон өлөрө аҕыйыа этэ”, – диэн Айсен Николаев бэлиэтээн эттэ.

Ону таһынан, Саха сиригэр 2019 сылга Былааҥҥа киирбит биэс тутуу олоххо киирэр. Ол курдук Хандыга бөһүөлэгэр 220 миэстэлээх Томпо улуустааҕы гимназиятын, Орто Халыма куоратыгар элбэх функциялаах успуорт комплексатын туталлар, Нерюнгрига оҕо поликлиникатын өрөмүөннүүллэр,  “Уһук илиҥҥи гектар” бырагыраама иитинэн инфраструктураны туталлар уонна Нерюнгрига уу турбатын саҥардан оҥороллор.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

6 + девять =

ЛЕНТА НОВОСТЕЙ