«Южная Якутия» ТОР резиденэ сыл аҥаарын иһигэр былаанын куоһарда

Комментарии Экономика и сельское хозяйство

Поделиться:

НВК САХА – «Южная Якутия» урутаан сайдар сирин резиденэ «Сервис-Интегратор Якутия» ААУо инвестицияҕа былаанын уонна Нерюнгри оройуонугар «Илин Денисовка» таас чох хостонор сиригэр саҥа үлэ миэстэтин таһаарар былаанын куоһарда. Ол курдук, хампаанньа резидент статуһун ылыаҕыттан, сыл аҥаарын иһигэр 180-тан тахса саҥа үлэ миэстэтин олохтоото. Бастакы кыбаартал түмүгүнэн, 130 тыһынча тонна чоҕу хостообут. Нолуогу аахпакка, инвестиция нөҥүө 800 мөл солкуобайы киллэрбит. Бу туһунан Уһук Илин сайдыытын министиэристибэтин пресс-сулууспата суруйар.

Резиден барыта 30 хайаҕа үлэлиир тиэхиньикэни атыыласпыт. Кыбаарталга чох хостооһунун көрдөрүүтүн таһымын өссө 220 тыһыынча тоннаҕа диэри үрдэтэр былааннаах.

«Биһиги инвестиционнай бырайыактар экономикаттан, үптэн тутулуга суох түргэнник олоххо кииирэллэригэр, сайдалларыгар тэҥ интэриэстээхпит. ТОР ханнык баҕарар резиденэ уонна Владивосток көҥүл пуорда корпорацияттан тэҥ көмөнү ылар кыахтаах”, – диэн Уһук Илин сайдыытын корпорациятын сүрүн дириэктэрэ Денис Тихонов иһитиннэрдэ.

«Южная Якутия» ТОР 2016 сыллаахха тэриллибитэ. Биир бөдөҥ промышленнай киин Нерюнгри оройуонугар үлэлиир. Бүгүҥҥү күҥҥэ манна сэттэ бырайыак олоххо киирэр, инвестициятын көрдөрүүтэ 32 млрд солкуобайга тэҥнэһэр.

«О территориях опережающего социально-экономического развития» федеральнай сокуон ылыллыаҕыттан барыта ТОР резиденнэрин кытта инвестициянан дьарыктанарга 2,25 трлн солкуобай суумалаах 251 сөбүлэҥ оҥоһуллубут. Бу бырайыак барыта олоххо киирдэҕинэ, 47,9 тыһыынча саҥа үлэ миэстэтэ тахсыахтаах. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × 5 =

ЛЕНТА НОВОСТЕЙ