«ЗдравОсмотр» аахсыйа чэрчитинэн 34 тыһыынча Саха сирин олохтооҕо доруобуйатын көрдөрүннэ

Комментарии Главные новости, Образование и здравоохранение

Поделиться:

НВК САХА – Атырдьах ыйын 1 күнүттэн 10 күнүгэр диэри “ЗдравОсмотр” аахсыйа чэрчитинэн өрөспүүбүлүкэ үрдүнэн 34 тыһыынча кэриҥэ киһи босхо доруобуйатын көрдөрүннэ. Бу туһунан СӨ Доруобуйа харыстабылын министиэристибэтин пресс-сулууспата иһитиннэрдэ.

“Саамай элбэх – 2388 киһи Дьокуускай куорат Мэдиссиинэ киинигэр көрдөрүннэ, 3 №-дээх Дьокуускай куораттааҕы балыыһаҕа – 2240, Дьокуускай куорат 1 №-дээх поликлиникатыгар – 2220, Хаҥалас улууһун киин балыыһатыгар – 1991, Бүлүү улууһун киин балыыһатыгар – 1308”, – диэн доруобуйа харыстабылын миниистирэ Елена Борисова кэпсээтэ.

Борисова этэринэн, саамай аҕыйах – 70 киһи Абый улууһун киин балыыһатыгар көрдөрүммүт, Усуйаана улууһун киин балыыһатыгар – 99, Муома улууһун киин балыыһатыгар – 114, ону таһынан Орто Халыма уонна Уус Маайа улуустарын киин балыыһаларыгар – 137 киһи.

Бүтүн Россиятааҕы нэһилиэнньэ диспансеризациятын иитинэн “ЗдравОсмотр” аахсыйа атырдьах ыйын 15 күнүгэр диэри өрөспүүбүлүкэ үрдүнэн ыытыллар. Саха сирин олохтоохторун доруобуйаларын көрдөрүнэллэригэр уонна #ЗдравОсмотр аахсыйаҕа кыттыбыттарын туһунан Instagram социальнай ситимҥэ хаартыскаларын таһааралларыгар ыҥыраллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

11 − 5 =

ЛЕНТА НОВОСТЕЙ