«Земскэй учуутал» бырагыраама тыа сиригэр учуутал тиийбэт кыһалҕатын быһаарыа

Комментарии Образование и здравоохранение

Поделиться:

НВК САХА – Владимир Путин “Земскэй учуутал” национальнай бырагырааманы үлэлэтэр туһунан тыл көтөхпүтэ. Бу бырагыраама тыа сирин оскуолаларыгар учуутал тиийбэт кыһалҕатын быһаарыа. Бу туһунан СӨ үөрэх уонна наука министиэристибэтэ ТАСС-ка иһитиннэрдэ.

“Биһиги санаабытыгар, бу бырагыраама үлэлээтэҕинэ, Саха сирин оскуолаларыгар учуутал тиийбэтин быһаарыа этэ. Саха сиригэр сыл аайы 700-800 учуутал тиийбэт, олортон тыа сиригэр – 70%. Улуус салалталара этэллэринэн, балтараа тыһыынча учуутал дьиэҕэ наадыйар”, – диэтэ министиэристибэ бэрэстэбиитэлэ.

Өрөспүүбүлүкэҕэ билигин 14,5 тыһыынча учуутал үлэлиир.

Министиэристибэ бэрэстэбиитэлэ эппитинэн, 2006 сылтан 2018 сылга диэри Арктика уонна хотугу улуустар оскуолаларыгар учууталлары дьиэнэн хааччыйар бырагыраама үлэлээбит. Онон 174 учуутал туһаммыт.

Тыа сирин оскуолаларыгар омук тылын, физика, математика, биология, химия уонна алын кылаас учууталлара тиийбэттэр.

Олунньу 20 күнүгэр Владимир Путин Федеральнай мунньахха туһаайан этиитин оҥорбута. Онно кини 2020 сылтан “Земскэй учуутал” бырагырааманы үлэлэтиэххэ диэн этии киллэрбитэ. Ол курдук тыа сиригэр уонна кыра куораттарга көһөн барар учууталлар 1 мөлүйүөн солкуобайы ылыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двадцать − семнадцать =

ЛЕНТА НОВОСТЕЙ