Жатайдааҕы судоверфь тутуута 2021 сылга үлэҕэ киириэ

Комментарии Экономика и сельское хозяйство

Поделиться:

НВК САХА – Жатай бөһүөлэгэр судоверфь тутуутугар анаммыт сүбэ-мунньаҕы ахсынньы 20 күнүгэр  республика баһылыга Айсен Николаев салайан ыытта.

Онно иһитиннэрбиттэринэн тутуу манна кэлэр сылтан саҕаланан, үлэҕэ 2021 сылга киириэ. Билигин бырайыагы бэлэмниир үлэ түмүктэнэн эрэр. Онуоха бырайыактыыр-сметатын ааҕар докумуон Главгосэкспертизаттан сөптөөх диэн түмүгү ылла.

Бырайыагы көдьүүстээхтик олоххо киллэрэр инниттэн бюджеты таһынан үбүлээһини тардар, Кангаласс урутаан сайдар территория резиденин статуһун ылар, ону таһынан үрдүк бэлэмнээх каадырдарынан хааччыйыы тэрээһинин ыытар наада. Айсен Николаев туһааннаах сорудаҕы министерстволарга, ведомстволарга биэрдэ.

Бу бырайыак 2020 сылга диэри уонна инникитин Арассыыйа Арктикатааҕы зонатын социальнай-экономическай сайдыытын судаарыстыбаннай бырагыраамматыгар Саха сириттэн киирбит соҕотох бырайыагынан буолар.

Ол иитинэн эбийиэги тутарга федеральнай хааһынаттан 4 миллиард 106 млн солкуобай көрүлүннэ.

Хос үбүлээһинигэр республикатааҕы программанан 750 млн, бюджеты таһынан источниктан 873 млн солкуобай киириэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × пять =

ЛЕНТА НОВОСТЕЙ