Жатайдааҕы судоверфэ бастакы сыбаайата түстэ

Комментарии Общество и политика

Поделиться:

НВК САХА – Жатайдааҕы судоверфэ бастакы сыбаайатын муус устар 26 күнүгэр түһэрдилэр.

Үөрүүлээх тэрээһиҥҥэ Россия бырамыысалыннаска уонна эргиэҥҥэ миниистирэ Денис Мантуров уонна СӨ баһылыга Айсен Николаев кыттыыны ыллылар.

СӨ салалтатын пресс-сулууспата иһитиннэрбитинэн, эбийиэги тутууну 2021 сыл бүтүөр диэри түмүктүүрү былаанныыллар. Саха сиригэр сүрүн таһаҕас – ол 3 мөл. т. кэриҥэ куруус уу суолун кылгас кэмигэр өрүс флотунан тиэйиллэр. Оттон бүгүҥҥү күҥҥэ өрөспүүбүлүкэҕэ өрүс флотун эргэриитэ 70% тиийэр.

Тустаах инвестиционнай бырайыагы олоххо киллэрии 1 сылга өрүс кылаастаах араас тииптээх 10 суудунаны тутар, 6 суудунаны саҥардар, навигация икки ардынааҕы өрөмүөнү, флот тэхиньиичэскэй хааччыйыытын ыытар, ону таһынан сылга иккиттэн аҕыйаҕа суох суудунаны утилизациялыыр кыаҕы биэриэ.

Судоверфэни тутарга федеральнай бүддьүөттэн 4 млрд. 106 мөл. солк. тахса, өрөспүүбүлүкэ бүддьүөтүттэн – 750, бүддьүөтү таһынан источниктан – 873 мөл. солк. көрүллүө.

Бүгүҥҥү күҥҥэ өрөспүүбүлүкэ салалтата Жатайдааҕы судоверфэни «Кангаласс» урутаан сайдыы территориятыгар киллэрэргэ үлэлиир. Ол инникитин түһээн ноҕоруускатын сымнатыа.

Эрдэ Арктика норуоттар икки ардыларынааҕы пуорумун кэмигэр СӨ бырабыыталыстыбатын, «Жатайдааҕы судоверфэ», «Балтикатааҕы собуот», «Орто Неватааҕы суудунаны тутар собуот» икки ардыгар бииргэ үлэлээһин сөбүлэһиитэ түһэрсиллибитэ. Онуоха биир сүрүн хайысханан судоверфэни анал каадырынан хааччыйыы буолар. Оттон манна 700-кэ киһи үлэлиэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

19 − десять =

ЛЕНТА НОВОСТЕЙ