Зырянкаҕа өрүс хаатыттан тахсыан сөп диэн сэрэтэллэр

Комментарии Главные новости, Общество и политика

Поделиться:

НВК САХА – Үөһээ Халыма улууһун Зырянка бөһүөлэгэр биир-икки күнүнэн өрүс хаатыттан тахсара сабаҕаланар диэн сэрэтэллэр. Бу туһунан 12 чааска Гидрометеорология уонна тулалыыр эйгэни кэтээн көрүү Саха сиринээҕи салалтата (УГМС) иһитиннэрдэ.

Халыма өрүскэ уу 750-790 см тиийэ эбиллиэ, ол кутталлаах таһымтан 20 см үрдүк (кутталлаах таһым 770 см). Ыам ыйын 14 күнүгэр Зырянка аэропордун сороҕун уу ылбыта. ЫБММ икки нэһилиэнньэлээх пуун түөрт уулуссатыгар олорор дьиэлэри уу ылыан сөп диэн иһитиннэрбитэ.

Өлүөнэ өрүскэ муус алын кирбиитэ Ленскэй оройуонугар бэлиэтэнэр. Ньүүйэ – Мача учаастакка биир күн иһигэр уу  0,4 -0,9 м эбиллэр, муус хамсаата. Бу учаастакка аны биир-икки күнүнэн өрүс эстиэхтээх.

Өлүөхүмэ улууһугар Өлүөнэ өрүс уута 0,4 -0,9 м күн устата эбиллэ турар, муус хамсыыр, ырбыыланна.

Киин улуустарга сууккаҕа уу 0,3- 0,5 м эбиллэр.

Алдан өрүс мууһун алын кирбиитэ Томпо улууһугар Охотскай Перевоз гидропоһун аттынан бэлиэтэнэр. Онно ыам ыйын 14 күнүгэр муус устубута. Өрүс эстэригэр уу таһыма хас да сыллардааҕар 1 миэтэрэ үрдүк.

Томпо улууһун Хаандыга – Кириэс Халдьаайытын учаастагар муус ыам ыйын 15-17 күннэригэр устара күүтүллэр. Алдан өрүс аллараа сүүрүгэр суукка иһигэр уу 0,3 – 0,5 м эбиллэр.

Бүлүү өрүс мууһун алын кирбиитэ Үөһээ Бүлүү сэлиэнньэтиттэн үөһэ бэлиэтэнэр. Онно муус хамсаата. Үөһээ Бүлүү – Бүлүү учаастакка муус ыам ыйын 16 күнүгэр устара күүтүллэр.

Яна өрүс уута сууккаҕа 5- 10 см элбиир. Адыча өрүс аллараа сүүрүгэр күҥҥэ 1,4 м уу эбиллэр.

Үөһээ Халыма улууһун Нелемнэй сэлиэнньэтин таһынан Ясачнай өрүс 11 күнүнэн эрдэ ыам ыйын 14 күнүгэр эстибитэ.

 

 

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девятнадцать + один =

ЛЕНТА НОВОСТЕЙ