MENU

Общество и политика
Категория

«Саха» НКИХ ханаала «НТВ-ПЛЮС» региональнай үллэһигэр көһүөҕэ

06.09.2019 17:51 Комментарии Общество и политика

НВК САХА — «Саха» НКИХ ханаала тэлэбиидьэнньэ саҥа сезонугар информационнай үллэһик 807-с кнопкатыттан «НТВ-ПЛЮС» спутник операторын региональнай үллэһигэр көһүөҕэ.

«Балаҕан ыйын 9 күнүттэн «Саха» НКИХ информационнай үллэһик 807-с кнопкатыттан «НТВ-ПЛЮС» спутник операторын региональнай үллэһигин 106-с кнопкатыгар көһүөҕэ», — бу туһунан «Саха» национальнай көрдөрөр-иһитиннэрэр хампаанньа генеральнай продюсера Ньургун Торговкин иһитиннэрдэ.

«НТВ-ПЛЮС» хампаанньа инники иһитиннэрбитинэн, балаҕан ыйын 9 күнүттэн саҥа «Региональнай» үллэһик Телегид приставкаҕа холбоммут абоненнарга уонна хампаанньа Илиҥҥи сайтыгар үлэтин саҕалыа.

 

 Подробнее

Ил Дархан Корея партнердарын Саха сиригэр инвестицияҕа кытталларыгар ыҥырда

06.09.2019 17:44 Комментарии Общество и политика, Экономика и сельское хозяйство

НВК САХА — Балаҕан ыйын 6 күнүгэр Ил Дархан Айсен Николаев Россия уонна Корея регионнар форумнарыгар Корея тэрилтэлэрин Саха сиригэр инвестициялыылларыгар ыҥырда.

«Кореяны кытары дьыалабыай сыһыан биһиэхэ олус суолталаах. Атыыга-эргиэҥҥэ, араас бородууксуйаны таска таһаарыыга, IT, биоинженерия, доруобуйа харыстабыла, медицина туризма, үөрэҕирии, культура уонна спорт эйгэлэригэр ыкса үлэлэр санаалаахпыт», — диир Айсен Николаев.

Ил Дархан Корея бэрэстэбиитэллэрин Саха сиригэр ыҥырда. Өрөспүүбүлүкэ оҥорон таһаарар бородууксуйатын сэдэх көстүүтүн уонна үрдүк хаачыстыбатын Корея туһанааччылара сэргиэхтэрэ диэн эрэнэрин биллэрдэ.

Кореяларга Аллараа Бэстээххэ гаас оҥорор собуоту уонна Дьокуускайга үс улахан гостиницаны тутуу курдук инвестиционнай бырайыактарга кыттыһалларыгар этии киллэрдэ. Ону тэҥэ, өрөспүүбүлүкэ IT-пааркатыгар экспортка туһаайыллан оҥоһуллар SMART-платформа бырайыагын туһунан кэпсээтэ.

 

 Подробнее

«Саха сирэ» информационнай биэрии. Балаҕан ыйын 6 күнэ, 13:30 ч.

06.09.2019 17:21 Комментарии Общество и политика

НВК САХА — «Саха сирэ» информационнай биэрии балаҕан ыйын 6 күнүнээҕи таһаарыытыгар көрүҥ:

  1. Хаарбах туруктаах дьиэттэн дьону көһөрүү бырагырааматын иитинэн Саха сирэ үс сыл устата 20 миллиардтан тахса солкуобайы тутуоҕа;
  2. Үөһээ Бүлүү улууһун Тонуочаан лааҕын оҕолоро экспедиция кэмигэр муус аппаны буллулар;
  3. Амматтан сылдьар Аина Моисеева Уһук Илиҥҥэ дзюдоҕа миэстэлэһэн, Владимир Путинтан мэтээл тутта.

 Подробнее

Экология министиэристибэтэ Чульман өрүс киртийиитин чинчийэр

06.09.2019 15:15 Комментарии Общество и политика

НВК САХА — Балаҕан ыйын 4 күнүгэр Госэконадзор Нерюнгритааҕы кэмитиэтэ Чульман өрүс кыраныыссатыгар Дежневка үрүйэ тардыытынан бэрэбиэркэ үлэтин ыытта. Бу туһунан СӨ Экологияҕа министиэристибэтин пресс-сулууспата иһитиннэрэр.

Санатан эттэххэ, социальнай ситим нөҥүө өрүс киртийиитин туһунан иһитиннэрии тарҕаммыта.

«Бэрэбиэркэ түмүгүнэн, Дежневка үрүйэ уута тас көстүүтэ киртийбит диэн быһаардылар. Инспектордар уу боруобатын экологичекэй экспертизаҕа анаан ыылылар», — диэн этиллэр.

 

 Подробнее

«Саха сирэ» информационнай биэрии. Балаҕан ыйын 5 күнэ, 20:30 ч.

06.09.2019 10:44 Комментарии Общество и политика

НВК САХА — «Саха сирэ» информационнай биэрии балаҕан ыйын 5 күнүнээҕи таһаарыытыгар көрүҥ:

1. Владивостокка буола турар Илиҥҥи экэнэмиичэскэй форум пленарнай мунньаҕа буолла.
2 Дойду үрдүнэн грипп ыарыыны утары быһыыны туруораллар.
3 «Боотурдар оонньуулара» бэстибээл көҥүл тустууга түмүктүүр киирсиилэрэ саҕаланнылар.

 

 Подробнее

Япония уонна Саха сирэ бөҕү хаттаан туһаныы собуотун тутуохтара

05.09.2019 17:50 Комментарии Общество и политика, Экономика и сельское хозяйство

НВК САХА — Илиҥҥи форум чэрчитинэн өрөспүүбүлүкэ бырабыыталыстыбата уонна Япония Тоттори префектуратын салалтата Саха сиригэр бөҕү хаттаан туһаныыга анаан уларытан оҥорор собуоту тутуу бырайыагынан бииргэ үлэлэһии туһунан меморандумҥа илии баттастылар.

«Биһиги Саха сирин кытары бөҕү хаттаан туһаныыга анаан уларытан оҥорор эбийиэктэри тутууга бииргэ үэлэһэр туһунан меморандум баттастыбыт. Россия уонна Япония «төгүрүк остуолугар» кыттыыны ылыахпыт. Онно Япония Сакаиминато пордун Владивосток куораты кытары сибээстиир паром сырыытын үлэтин туһунан сырдатыахпыт», – диэн Тоттори префектуратын губернатора Хираи Синдзи эттэ.

Меморандум быһыытынан бөҕү хаттаан туһаныыга анаан уларытан оҥорор тэрилтэ тутуутун Япония «Hokkaido Corporation» уонна «Sanko Co. Ltd.» хампаанньалара өйүөхтэрэ. Бу собуот тутуутун бырайыага 2021 сылга диэри олоххо киириэн сөп.

 

 Подробнее

ЛЕНТА НОВОСТЕЙ