Капремонт иһин төлөбүрү кырдьаҕастарга төнүннэрии (ВИДЕО)

Комментарии Экономика и сельское хозяйство

Просмотров: 38

NVK-ONLINE.RU – Саха сиригэр кырдьаҕастарга хапытаалынай өрөмүөн иһин төлөбүргэ компенсация бу сыл атырдьах ыйыттан бэриллэр. Маннык төлөбүрү 70-80 аҕа саастаах дьон төнүннэрэн ылыахтарын сөп. Бу уларыйыы киириэҕиттэн төһө киһи маннык компенсациянан туһанна? Ону оҥотторорго туох ирдэнэрий?

Дьокуускай куорат олохтооҕо, 81 саастаах бэтэрээн Анна Данилова бу сокуон туһунан радиоттан, телевидениеттэн истэн-көрөн билбит. Кини «Субсидия агентствота» тэрилтэ Дьокуускайдааҕы филиалыгар докумуоннарын туттараары кэлэн олорор. Анна Семеновна кэпсииринэн, докумуоннарын ситиһэригэр барыта илиитигэр баар буолан, улахан ыарахаттары көрсүбэтэх.

Ол курдук хапытаалынай өрөмүөн компенсациятын 70 саастарын ааспыт ытык кырдьаҕастар 50% ылаллар. Онтон 80 сааһын ааспыт дьон 100% төлөттөрөллөр. «Субсидия агентствота» тэрилтэ сайаапкалары хомуйуунан дьарыктанар. Билиҥҥи туругунан республика үрдүнэн 36 филиалга кырдьаҕастартан 2 тыһ кэриҥэ сайаапка киирдэ. Онуоха күн бүгүн 1,5 мөл солкуобай суумалаах компенсация оҥоһулунна.

Сайаапкаларын бастакынан биэрбит дьон номнуо компенсациятын ылан, үөрүүтэ үгүс. Билигин бары филиалга уонна элбэх өҥөнү оҥорор кииҥҥэ сайаапканы тута олороллор, бириэмэнэн хааччахтааһын суох.

Наадалаах докумуоннар: паспорт, дьиэни бас билэр туһунан туоһу докумуон, трудовой киниискэ, бааҥҥа аһыллыбыт сирэй счетун копията, хапытаалынай өрөмүөн усунуоһун квитанцията буолар.

Ону сэргэ Дьокуускайга баар хас биирдии дьиэ иэнин суота-учуота элбэх квартиралаах дьиэлэр хапытаалынай өрөмүөннэрин фондатыгар хараллан сыталлар.

Түмүктээн эттэххэ, тохсунньу ый маҥнайгы күнүттэн хапытаалынай өрөмүөн тарива улаатыаҕа. Онон кэмигэр усунуоһу төлөөн, компенсацияны ыларга тиэтэйиҥ.



Добавить комментарий

Ваш e-mail не будет опубликован. Обязательные поля помечены *