2021 сылга Россияҕа биир кэлим эксээмэн болдьоҕо бигэргэннэ

Рособрнадзор уонна үөрэх министиэристибэтэ БКЭ туттарыы болдьоҕун чопчулаата. Бу туһунан «Российская газета» суруйар.

Бастакы эксээмэн ыам ыйын 31 күнүттэн саҕаланыаҕа — географияны, литератураны уонна химияны туттарыахтара. Нуучча тылыгар эксээмэн икки күн ыытыллыаҕа — бэс ыйын 3 уонна 4 күннэригэр.

Бэс ыйын 7 күнүгэр профильнай математикаҕа күн ананна, бэс ыйын 11 күнүгэр — история уонна физика, бэс ыйын 15 күнүгэр — обществознание.

Биологияны уонна омук тылларын (английскай, французскай, немецкэй, испанскай, китайскай, «Тылынан» салааттан ураты) үөрэнээччилэр бэс ыйын 18 күнүгэр туттарыахтара. Тылынан эксээмэн бэс ыйын 21-22 күннэригэр буолуоҕа.

Бэс ыйын 24-25 күннэригэр информатика уонна ИКТ, оттон бэс ыйын 28,29 уонна от ыйын 2 күннэригэр резервэ эксээмэннэрэ ытыыллыахтара.

Ол кэннэ эксээмэн сүрүн күннэрин көтүппүттэргэ, от ыйын 12-тэн 17 күнүгэр диэри эбии күннэр ананыахтара.

2021 сылга БКЭ-ни үрдүк үөрэххэ эрэ киириэн баҕалаахтар суруйуохтара. Үрдүк үөрэххэ туттарсыбат 11-с кылааһы бүтэрэр оҕолор БКЭ оннугар судаарыстыбаннай выпускной эксээмэни (ГВЭ) — нуучча тылыгар уонна математикаҕа туттарыахтара.