Ааспыт сууккаҕа 92 киһи коронавирустаата

Ааспыт сууккаҕа Саха сиригэр 92 киһи эбии коронавирустаата. Бу туһунан суһал штаб салайааччытын солбуйааччы Ольга Балабкина иһитиннэрэр.

«Бэс ыйын 22 күнүгэр Дьокуускайга 57, Мэҥэ Хаҥаласка, Нерюнгрига, Бүлүүгэ түөртүү, Алдаҥҥа, Аммаҕа, Тааттаҕа, Уус Алдаҥҥа, Чурапчыга, Эбээн Бытантайга үстүү, Намҥа, Сунтаарга иккилии, Хаҥаласка биир киһи коронавирустаабыт», — диэтэ кини.

Саха сиригэр 155 971 киһи вакцина ылбыт, ол иһигэр 35 876 аҕам саастаах дьон.