Ааспыт сууккаҕа эбии 107 киһи коронавирустаабыт

Саха сиригэр суукка устата эбии 107 киһи коронавирустаабыта бигэргэннэ. Бу туһунан өрөспүүбүлүкэтээҕи суһал штаб иһитиннэрэр.

Дьокуускайга 59 түбэлтэ бэлиэтэммит, Мэҥэ Хаҥаласка — 20, Намҥа — биэс, Кэбээйигэ — түөрт, Аммаҕа, Чурапчыга уонна Бүлүүгэ — үстүү, Горнайга, Сунтаарга уонна Уус Алдаҥҥа — иккилии, Алдаҥҥа, Үөһээ Бүлүүгэ, Дьааҥыга уонна Хаҥаласка — биирдии киһи коронавирустаабыт.

Суукка устата өрөспүүбүлүкэ лабораториялара 2 366 коронавируска аналиһы чинчийбиттэр. Пандемия саҕаланыаҕыттан уопсайа 1 074 304 тест чинчийиллибит.