АГИКИ устудьуонун хаартыската бүтүн россиятааҕы куонкуруска кыайбыт

АГИКИ устудьуона Анастасия Пшенникова #ЗаЭтоЯЛюблюРоссию бүтүн россиятааҕы хаартыска куонкуруһун кыайыылаахтарын ахсааннарыгар киирдэ. Кини «Дьиэ кэргэн альбома» хайысхаҕа үһүс миэстэни ылла.

«Хаартыскабын алтынньыга ыыппытым. Мин түһэриибэр балтым Лида олорор, ити кэмҥэ кини икки саастаах этэ. Маннык, араастаан фотосессия тэрийэрбин сөбүлүүбүн. Үлэм аата «Морозные щечки» диэн. Оҕону түһэрэр ыарахаттардаах, хаһыс да сырыыттан табыллыбыта ити кадр», – диэбит Анастасия.

#ЗаЭтоЯЛюблюРоссию куонкурус туризмы, патриотическай санааны сайыннарыыга аналлаах. Куонкуруска уон хайысхаҕа уон тыһыынчаттан тахса үлэ киирбит. Тэрийээччи — Үөрэх идэлээх сойууһа, Росмолодежь, Үөрэҕирии министиэристибэтэ уонна Смоленскайдааҕы судаарыстыбаннай университет.