«Аист на крыше» флешмобка кыттыҥ

Саха сирин олохтоохторо «Аист на крыше» Кутурҕан уонна кэриэстэбил күнүгэр анаммыт ырыа флешмобугар кыттаргытыгар ыҥыраллар. Бу туһунан СӨ Ыччат дьыалаларыгар уонна социальнай коммуникацияларга министиэристибэтин пресс-сулууспата иһитиннэрэр.

1941 сыллаахха бэс ыйын 22 күнүгэр, Фашистскай Германия Сэбиэскэй Сойууска соһуччу саба түһэн, Аҕа дойду уоттаах сэриитэ саҕаламмыта. Ол курдук, бэс ыйын 19-22 күннэригэр ырыа аахсыйата биллэрилиннэ, онно өрөспүүбүлүкэ олохтоохторо, оҕолор «Аист на крыше» диэн ырыаны камераҕа ыллыыллар. Тыла уонна ырыата ссылкаҕа баар.

Аҕа дойду улуу сэриитин буойуннарын пааматынньыктарыгар, историческай миэстэлэргэ туран ыллаан, сытыары форматтаах, сырдык видео устуохха наада (видео кээмэйэ 1920х1080 диэри, формата — mp4, mov).

Оттон видеоны устан баран, Instagram-ҥа #АистНаКрыше, #ЗаМирноеНебо, #АистНаКрыше22июня, #АистнаКрышеЯкутия таһааран, ону тэҥэ Google-диск ссылкаҕа видеоны бэс ыйын 22 күнүгэр диэри угуохха наада.
Бастыҥ үлэлэр Саха сирин ыччатын министиэристибэтин аккаунугар тахсыаҕа, НВК «Саха» ханаалга көстүөҕэ.