Айсен Николаев Абый улууһугар үлэлиир

Бүгүн, алтынньы 13 күнүгэр, өрөспүүбүлүкэ баһылыга Айсен Николаев Абый улууһугар үлэлиир. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Ил Дархан Үрүҥ Хайа бөһүөлэгэр аэропорду сөргүтүү үлэтин хаамыытын уонна бородууктаны таһыы бэрээдэгин билсиэҕэ.

Айсен Николаев «Российская энергетическая неделя» норуоттар икки ардыларынааҕы форум сессиятыгар ВКС нөҥүө таһаҕаһы таһар киин үөрүүлээх аһыллыытыгар кыттыыны ылыаҕа.

Ону тэҥэ, Абый улууһун социальнай-экономическай сайдыытын боппуруоһунан мунньах ыытыаҕа, фельдшерскай-акушерскай пууҥҥа, бэкээринэҕэ, Кэбэргэнэ сэлиэнньэтигэр тутулла турар спорт саалатыгар уонна хочуолунайга сылдьыаҕа.