Айсен Николаев Миирнэйгэ «Народный актив» хамсааһыны кытта көрүстэ

Ил Дархан Айсен Николаев Миирнэйгэ үлэлиир бириэмэтигэр «Народный актив» уопсастыбаннай хамсааһын чиилэннэрин кытта көрүстэ.

««АЛРОСА» хампаанньа бэрэсидьиэнин Сергей Иванову кытта олохтоохтор этиилэрин иһиттилэр. Ойуур баһаардарын, коронавируһу утары охсуһууттан саҕалаан, нэһилиэнньэлээх пууннары көҕөрдүүгэ тиийэ олус интэриэһинэй боппуруостар киирэллэр», — диэн Айсен Николаев бэйэтин Instagram аккаунугар иһитиннэрэр.

Саха сирин баһылыга көрүллүбүт этиилэр үгүстэрэ олоххо киирэллэригэр эрэлин биллэрдэ.

«Миирнэй олохтоохторун уопутун атын оройуоннарга эмиэ тарҕатыахха наада, маннык көхтөөх, көҕүлүүр дьон биһиги өрөспүүбүлүкэбитигэр үгүстэр», — диэн Ил Дархан түмүктээтэ.